థాయ్​లాండ్ ఓపెన్​ నుంచి సింధు, సమీర్ ఔట్

టొయోటా థాయ్​లాండ్​ ఓపెన్​ నుంచి భారత బ్యాడ్మింటన్​ క్రీడాకారులు పీవీ సింధు, సమీర్​ వర్మ నిష్క్రమించారు. శుక్రవారం జరిగిన క్వార్టర్​ ఫైనల్స్​లో ఇంటనాన్​ చేతిలో సింధు పరాభవం చవిచూసింది. డెన్మార్క్​ ఆటగాడు ఆంటోన్సెన్​తో అద్భుతంగా పోరాడినా సమీర్​కు.. ఓటమి తప్పలేదు.

థాయ్​లాండ్ ఓపెన్​లో భారత్​ స్టార్​ బ్యాడ్మింటర్ క్రీడాకారిణి పీవీ సింధు కథ ముగిసింది. శుక్రవారం జరిగిన క్వార్టర్​ ఫైనల్​లో మలేషియాకు చెందిన రచనోక్ ఇంటనాన్​ చేతిలో ఓడిపోయింది సింధు. ఆది నుంచే ఆధిపత్యం ప్రదర్శించిన ఇంటనాన్​.. 21-13, 21-9తో వరుస సెట్లలో నెగ్గి భారత్​ షట్లర్​ను ఇంటికి చేర్చింది.

పోరాడినా నిరాశే..

మరోవైపు పురుషుల సింగిల్స్​లో థాయ్​లాండ్ ఓపెన్​ నుంచి నిష్క్రమించాడు సమీర్ వర్మ. క్వార్టర్స్​లో డెన్మార్క్​కు చెందిన ఆండర్స్​ ఆంటోన్సెన్​తో హోరాహోరీగా తలపడిన అతడు.. 13-21, 21-19, 20-22 తేడాతో ఓడిపోయాడు.

• HIGHLIGHTS | Unseeded Verma 🇮🇳 brings his A-game to rival third seed Antonsen 🇩🇰 🏸#HSBCbadminton #BWFWorldTour #ToyotaThailandOpen pic.twitter.com/EU2KJKdLEY

  — BWF (@bwfmedia) January 22, 2021 " class="align-text-top noRightClick twitterSection" data="

  HIGHLIGHTS | Unseeded Verma 🇮🇳 brings his A-game to rival third seed Antonsen 🇩🇰 🏸#HSBCbadminton #BWFWorldTour #ToyotaThailandOpen pic.twitter.com/EU2KJKdLEY

  — BWF (@bwfmedia) January 22, 2021

  ">

  HIGHLIGHTS | Unseeded Verma 🇮🇳 brings his A-game to rival third seed Antonsen 🇩🇰 🏸#HSBCbadminton #BWFWorldTour #ToyotaThailandOpen pic.twitter.com/EU2KJKdLEY

  — BWF (@bwfmedia) January 22, 2021

నరాలు తెగే ఉత్కంఠతో గంట 21 నిమిషాల పాటు ఈ మ్యాచ్​ జరిగింది. తొలి గేమ్​ను 21-13తో ఆంటోన్సెన్​ కైవసం చేసుకున్నాడు. రెండో గేమ్​లో పుంజుకున్న వర్మ.. అద్భుతంగా పోరాడి 21-19తో గెలిచి ఆటను రసవత్తరంగా మార్చాడు. మూడో గేమ్​లో మిడ్​ బ్రేక్​ వరకు 11-8తో ఆధిపత్యం ప్రదర్శించాడు భారత షట్లర్. అయితే తన అనుభవాన్నంతా ఉపయోగించిన ఆంటోన్సెన్​.. 22-20తో మ్యాచ్​ను ఎగరేసుకుపోయాడు.

ఇదీ చూడండి: థాయ్​లాండ్​​ ఓపెన్​ సెమీస్​లో సాత్విక్​-అశ్విని జోడీ