సింగపూర్ ఓపెన్: సింధు సెమీస్​కు..సైనా ఇంటికి

సింగపూర్ ఓపెన్​లో భారత్​ బ్యాడ్మింటన్​ స్టార్​ ప్లేయర్ సింధు సెమీస్​ చేరుకుంది. మరో అగ్రశ్రేణి క్రీడాకారిణి సైనా... ఒకుహర(జపాన్​) చేతిలో ఓడి టోర్నీ నుంచి నిష్క్రమించింది.

సింగపూర్ ఓపెన్​లో ఈ రోజు భారత్​కు మిశ్రమ ఫలితాలు ఎదురయ్యాయి. పీవీ సింధు సెమీస్​కు చేరగా, మరో క్రీడాకారిణి సైనా నెహ్వాల్ ఇంటిముఖం పట్టింది.

సింధు...చైనాకు చెందిన కాయ్ యాన్యన్​పై 21-13, 17-21, 21-14 తేడాతో గెలిచింది. ఈ సీజన్​లో సెమీస్ చేరడం సింధుకు ఇది రెండోసారి. గత నెలలో ఇండియన్ ఓపెన్​లోనూ సెమీస్ చేరుకుందీ షట్లర్​. సైనా... జపాన్​కు చెందిన ఒకుహరా చేతిలో 21-8, 21-13 తేడాతో ఓడిపోయింది. తర్వాతి మ్యాచ్​లో సింధు తలపడనుంది ఒకుహరాతోనే.