థాయ్లాండ్ ఓపెన్లో భారత పురుషుల డబుల్స్ జోడీ సత్తాచాటింది. సాత్విక్ రాంకీరెడ్డి - చిరాగ్ శెట్టి ద్వయం టైటిల్ నెగ్గింది. తుదిపోరులో చైనాకు చెందిన లీ జున్ హుయ్ - లీ యు చెన్ను ఓడించి విజేతగా నిలిచింది. ఫలితంగా థాయ్లాండ్ ఓపెన్ టైటిల్ గెలిచిన తొలి భారత జోడీగా రికార్డు సృష్టించింది.
చైనీస్ జోడీపై 21-19, 18-21, 21-18 తేడాతో విజయం సాధించింది సాత్విక్-చిరాగ్ ద్వయం. సెమీస్లో కొరియన్ ద్వయం కో సంగ్ - షిన్పై గెలిచిన సాత్విక్ - చిరాగ్ జోడీ తుదిపోరులో శ్రమించాల్సి వచ్చింది.
నువ్వా నేనా అన్నట్లు సాగిన ఫైనల్ మ్యాచ్ మూడు సెట్ల పాటు హోరాహోరీగా జరిగింది. చివరికి విజయం భారత ద్వయాన్నే వరించింది.
ఇది చదవండి: సచిన్-కాంబ్లీ ఫ్రెండ్షిప్ డే థియరీ సూపర్
