బ్యాడ్మింటన్ ప్రీమియర్ లీగ్ ఐదో సీజన్ వేలం దిల్లీలో మంగళవారం నిర్వహించారు. ఇందులో భారత షట్లర్లతో పాటు విదేశీ క్రీడాకారులను కోనుగోలు చేశాయి ఫాంచైజీలు. తెలుగు షట్లర్ పీవీ సింధును హైదరాబాద్ హంటర్స్ అత్యధిక ధర(రూ. 77లక్షల) చెల్లించి తమవద్దే అట్టిపెట్టుకుంది.
వరల్డ్ నెంబర్ వన్ కోసం తీవ్ర పోటీ
ప్రపంచ నెంబర్ వన్ షట్లర్ తైజు ఇంగ్(చైనా)ను రూ. 77 లక్షలకు బెంగళూరు ర్యాప్టర్స్ సొంతం చేసుకుంది. అయితే ఈ షటర్ కోసం పుణె సెవన్ ఎసర్స్ దక్కించుకొనే ప్రయత్నం చేసి విఫలమైంది. భారత స్టార్ షట్లర్ సాయిప్రణీత్నూ రూ.32లక్షలు చెల్లించి తమ వద్దే ఉంచుకుంది బెంగళూరు.
పురుషుల డబుల్స్లో కీలక షట్లర్లైన సుమిత్ రెడ్డిని రూ.11 లక్షలకు చెన్నై సూపర్ స్టార్జ్ తన వద్దే అట్టిపెట్టుకోగా.. చిరాగ్ శెట్టిని రూ.15.50 లక్షలకు రిటైన్ చేసుకుంది పుణె. మహిళల సింగిల్స్లో అమెరికా ప్లేయరైన బీవాన్ ఝంగ్ను రూ.39 లక్షలు చెెల్లించి. తన వద్దే ఉంచుకుంది అవధ్ వారియర్స్.
చెన్నైకు గోపీచంద్ కుమార్తె
జాతీయ బ్యాడ్మింటన్ కోచ్ పులెల్ల గోపీచంద్ కూమార్తె గాయత్రి గోపీచంద్ను చెన్నై సూపర్ స్టార్జ్ రూ.3 లక్షలకు దక్కించుకుంది. అసోం షట్లర్ అస్మితా చాలిహాను నార్త్ ఈస్టర్న్ వారియర్స్ రూ.3లక్షలకు సొంతం చేసుకుంది.
సైనా, శ్రీకాంత్ దూరం
స్టార్ షట్లర్లైన సైనా నెహ్వాల్, కిదాంబి శ్రీకాంత్.. ఈ సీజన్లో ఆడట్లేదు. ఒలింపిక్స్ అర్హత కోసం అంతర్జాతీయ టోర్నీలపై దృష్టిపెట్టారు ఈ షట్లర్లు. గత సీజన్లో సైనా.. నార్త్ ఈస్టర్స్ వారియర్స్కు ప్రాతినిధ్యం వహించగా.. బెంగళూరు తరఫున ఆడాడు శ్రీకాంత్.
గరిష్ఠ ధర రూ. 77లక్షలు
వచ్చే ఏడాది జనవరి 20 నుంచి ఫిబ్రవరి 9 వరకు ఈ లీగ్ జరగనుంది. ఈ సీజన్లో 74 మంది షట్లర్లు పాల్గొనున్నారు. ప్రతి ఫ్రాంఛైజీ రూ.2 కోట్ల వరకు ఆటగాళ్లను వేలంలో కొనుగోలు చేయొచ్చు. ఓ షట్లర్కు అత్యధికంగా రూ.77 లక్షల వరకు చెల్లించవచ్చు. జట్టుకు 11 మంది క్రీడాకారులు ఉంటారు. అందులో ముఖ్యంగా కనీసం ముగ్గురు మహిళలు ఉండాలి. విదేశీయులను గరిష్ఠంగా ఆరుగురి వరకు తీసుకోవచ్చు.
బ్యాడ్మింటన్ ప్రీమియర్ లీగ్లో మొత్తం ఏడు ఫ్రాంఛైజీలు. అవధ్ వారియర్స్ (లక్నో), బెంగళూరు ర్యాప్టర్స్ (బెంగళూరు), ముంబయి రాకెట్స్(ముంబయి), హైదరాబాద్ హంటర్స్(హైదరాబాద్), చెన్నై సూపర్ స్టార్జ్(చెన్నై), నార్త్ ఈస్ట్రర్న్ వారియర్స్(ఈశాన్య భారతదేశం), పుణె సెవన్ ఏసస్(పుణె).
ఇదీ చదవండి: భారత అంపైర్కు పదేళ్లు పడుతుంది: టాఫెల్
