బ్యాడ్మింటన్ స్టార్ గుత్తా జ్వాలా తిరిగి షటిల్ కోర్టులో అడుగుపెట్టనుంది. ఆటకు ఇంకా రిటైర్మెంట్ ప్రకటించలేదని ఆమె స్పష్టంచేసింది. బిహార్లోని మోతీహారిలో శుక్రవారం జరిగిన 'రన్ ఫర్ పీస్' కార్యక్రమంలో ఈ విషయం వెల్లడించింది.
జ్వాలా గుత్తా
"నేను ఇంకా రిటైర్మెంట్ ప్రకటించలేదు. కేవలం విరామం తీసుకున్నాను. త్వరలోనే బ్యాడ్మింటన్ కోర్టులో అడుగుపెడతా. ప్రతి క్రీడలో ప్రత్యేకించి మహిళలను ప్రోత్సాహించాలని అనుకుంటున్నాను. మన దేశంలో క్రీడలను అంత సీరియస్గా తీసుకోం. వాటిని వృత్తిగా ఎంచుకునేలా చేయడానికి కృషి చేస్తా."
-గుత్తా జ్వాలా, బ్యాడ్మింటన్ క్రీడాకారిణి
గతేడాది హైదరాబాద్లో ఓ బ్యాడ్మింటన్ అకాడమీని ఏర్పాటు చేసింది జ్వాలా. తన అకాడమీలో చేరుతున్న క్రీడాకారుల సంఖ్య పెరగడం పట్ల హర్షం వ్యక్తం చేసింది.
ఇదీ చూడండి: బ్యాడ్మింటన్: టాప్-10లో ఆరుగురు మనోళ్లే
