ఈ ఏడాది ఆగస్టులో జరగాల్సిన హైదరాబాద్ ఓపెన్ బ్యాడ్మింటన్ టోర్నీ కరోనా దెబ్బకు రద్దయింది. ఈ విషయాన్ని ప్రపంచ బ్యాడ్మింటన్(బీడబ్ల్యూఎఫ్) సమాఖ్య స్పష్టం చేసింది.
షెడ్యూల్ ప్రకారం ఆగస్టు11-16 మధ్య ఈ పోటీలు జరగాలి. కరోనా వ్యాప్తి రోజురోజుకు ఎక్కువవుతున్న నేపథ్యంలో ఈ టోర్నీని రద్దు చేశారు. బీడబ్ల్యూఎఫ్ వార్షిక క్యాలెండర్పై దీని ప్రభావం పడనుంది. మిగతా వాటిలోనూ మార్పులు చేయాల్సిన పరిస్థితి ఏర్పడింది.
హైదరాబాద్ ఓపెన్ రద్దయిన నేపథ్యంలో ఇప్పటికే వాయిదా పడ్డ జర్మన్ ఓపెన్(మార్చి 3-8), స్విస్ ఓపెన్(మార్చి 17-22), యూరోపియన్ ఓపెన్లు(ఏప్రిల్ 21-26) జరిగేది సందేహంగా మారింది.
