కరోనాకు వ్యాక్సిన్ కనుగొనేంత వరకు అంతర్జాతీయ బ్యాడ్మింటన్ సమాఖ్య ఎటువంటి టోర్నీలు నిర్వహించకూడదని సూచించాడు భారత్ షట్లర్ సాయి ప్రణీత్. ప్రస్తుత పరిస్థితుల్లో బీడబ్ల్యూఎఫ్ అప్రమత్తంగా ఉండాలని అన్నాడు.
"బీడబ్ల్యూఎఫ్ ఈ క్లిష్ట పరిస్థితుల్లో ఎటువంటి టోర్నీలు నిర్వహించకూడదు. ప్రతి నిర్ణయం ఆచితుచి తీసుకోవాలి. అయినా ఒకవేళ షెడ్యూల్ ప్రకారం టోర్నీలు పునఃప్రారంభించినా సజావుగా సాగడం అసాధ్యం. ఇది ఆటగాళ్లకు ఓ సవాల్ లాంటిది. లాక్డౌన్ కారణంగా ఇంతకాలం ఇంటికే పరిమితమైన అథ్లెట్లు ఫిట్నెస్ కోల్పోయి ఉంటారు. మళ్లీ ఫామ్లోకి రావాలంటే దాదాపు రెండు నెలల సమయం పడుతుంది."
భారత ఆటగాళ్లకు నిలకడగా రాణించగలిగే సత్తా ఉందా?
భారీ ఈవెంట్లలో భారత షట్లర్లు నిలకడగా రాణించలేకపోతున్నారు. ఆ లోపాన్ని సరిచేసుకోవాల్సిన అవసరం ఉంది. అయితే శిక్షణ పొందటానికి సౌకర్యాలు బాగానే ఉన్నాయి.
ఒలింపిక్స్ వాయిదా వేయడం సమంజసమేనా?
నా దృష్టిలో టోక్యో ఒలింపిక్స్ వాయిదా వేయడం మంచిదే. కానీ ఇది నాలుగేళ్లుగా శ్రమిస్తోన్న ఆటగాళ్లకు ఎదురుదెబ్బ లాంటిది. ఇందులో నేను కూడా బాధితుడినే. ప్రతిఒక్కరూ ఈ నిర్ణయంతో నిరాశ చెందారు. అయితే ఐఓసీ మాత్రం షెడ్యూల్ ప్రకారం ఈ మెగాటోర్నీని నిర్వహించాలని యోచించింది. కానీ కరోనా నేపథ్యంలో కొన్ని దేశాలు తమ అథ్లెట్లను పంపించడానికి నిరాకరించడం వల్ల వెనక్కి తగ్గింది.
ప్రస్తుతం బ్యాడ్మింటన్కు సంబంధించిన సింగిల్స్ ఈవెంట్లో టోక్యో క్రీడలకు పీవీ సింధు, సాయి ప్రణీత్ అర్హత సాధించారు. సైనా నెహ్వాల్, కిదాంబి శ్రీకాంత్ దాదాపు అర్హత పోటీల నుంచి వైదొలిగినట్లే.
ఇది చూడండి : 'ఎక్కడ తగ్గాలో తెలిసిన ఆటగాడు రోహిత్'
