డ్రాగన్ గడ్డపై తెలుగుతేజాలు సాత్విక్ సాయిరాజు- చిరాగ్‌శెట్టి జోరు కొనసాగిస్తున్నారు. ఫుజౌ వేదికగా జరుగుతున్న చైనా ఓపెన్ ప్రపంచ టూర్ సూపర్ 750 టోర్నీలో... ఈ డబుల్స్‌ జోడీ సెమీఫైనల్ చేరింది. ఈ రోజు జరిగిన మ్యాచ్లో మాజీ ప్రపంచ ఛాంపియన్లు లీ జున్ హు-హు చెన్ (చైనా) జోడీని ఓడించి సత్తా చాటారు. 43 నిముషాలు పాటు సాగిన మ్యాచ్లో... 21-19, 21-15 తేడాతో తెలుగు జోడీ విజయం సాధించింది.
సెమీఫైనల్ చేరిన సాత్విక్- చిరాగ్ జోడీ.... ఇదే ద్వయంపై గెలిచి ఇటీవల థాయ్లాండ్ ఓపెన్ టైటిల్ కైవసం చేసుకున్నారు. ఈ ఏడాది మూడోసారి ప్రపంచ టూర్ టోర్నీల్లో సెమీఫైనల్ చేరిందీ తెలుగు జోడీ. తర్వాతి మ్యాచ్లో మార్కస్ ఫెర్నాండ్, కెవిన్ సంజయా (ఇండోనేషియా) జోడీతో తలపడనున్నారు.
