ఎన్నో అంచనాల నడుమ చైనాఓపెన్లో బరిలోకి దిగిన భారత స్టార్ షట్లర్ పీవీ సింధు మరోసారి నిరాశ పరిచింది. మంగళవారం ప్రారంభమైన ఈ టోర్నీ తొలిరౌండ్లో చైనీస్ తైపీ క్రీడాకారిణి పై యు పొ చేతిలో పరాజయం చెంది ఇంటిముఖం పట్టింది.
తనకంటే దిగువ ర్యాంకైన పై యుపై 13-21, 21-18, 19-21 తేడాతో ఓడింది. తొలి సెట్లో అంతగా ప్రభావం చూపని సింధు.. రెండో గేమ్లో గెలిచింది. హోరాహోరీగా సాగిన మూడో సెట్లో ప్రత్యర్థే పైచేయి సాధించింది.
మిక్సడ్ డబుల్స్లో సాత్విక్ సాయిరాజ్ - అశ్విని పొన్నప్ప జోడీ శుభారంభం చేసింది. కెనడా ద్వయం హల్బర్ట్ - జోస్ఫిన్ వూపై నెగ్గింది. 21-19, 21-19 తేడాతో నెగ్గింది.
మరోవైపు పురుషుల సింగిల్స్లో ప్రణయ్ కూడా ఇంటిముఖం పట్టాడు. తొలి రౌండ్లో డెన్మార్క్ ఆటగాడు రస్మస్ గెమ్కేపై 17-21, 18-21 తేడాతో వరుస సెట్లలో ఓడి నిరాశ పరిచాడు.
ఇదీ చదవండి: 15 ఏళ్ల విరాట్కు.. కోహ్లీ స్వీయసందేశం..!
