ఆల్ఇంగ్లాండ్ బ్యాడ్మింటన్ ఓపెన్లో భారత షట్లర్లకు ఆదిలోనే పరాభవం ఎదురైంది. మహిళల సింగిల్స్లో సింధు గెలిచినా.. పురుషుల సింగిల్స్లో కిదాంబి శ్రీకాంత్, పారుపల్లి కశ్యప్ తొలి రౌండ్లోనే ఓటమి పాలయ్యారు.
పీవీ సింధు.. మలేసియా షట్లర్ సోనియాపై 21-11, 21-17 తేడాతో గెలిచి రెండో రౌండ్కు వెళ్లింది.
శ్రీకాంత్, కశ్యప్..
పురుషుల సింగిల్స్లో ఐర్లాండ్ ఆటగాడు నట్ గుయెన్.. 21-11, 15-21, 21-12 తేడాతో శ్రీకాంత్పై గెలుపొందాడు.
ప్రపంచ నెం.1 ఆటగాడు కెంటో మొమొటా చేతిలో వరుస సెట్లలో చిత్తయ్యాడు కశ్యప్. 13-21, 20-22 తేడాతో ఓడాడు.
పురుషుల డబుల్స్లో చిరాగ్షెట్టి- సాత్విక్ సాయిరాజ్ జోడీ 21-7, 21-10 తేడాతో ఇంగ్లాండ్ ద్వయంపై సులువుగా నెగ్గింది. ఈ మ్యాచ్ 19 నిమిషాల్లోనే ముగియడం విశేషం.
కరోనా కలకలం..
టోర్నీకి ముందు తొలుత భారత శిబిరంలో కరోనా కలకలం రేగింది. ముగ్గురు ఆటగాళ్లకు కరోనా సోకిందంటూ వార్తలు వచ్చాయి. అయితే.. మరోసారి నిర్వహించిన పరీక్షల్లో నెగెటివ్గా తేలగా షట్లర్లు ఆల్ఇంగ్లాండ్ టోర్నీలో పాల్గొన్నారు.
ఇదీ చూడండి: ఇంగ్లాండ్ టోర్నీకి లైన్ క్లియర్- భారత షట్లర్లకు నెగెటివ్
