Unstoppable with NBK Latest promo: 'అఖండ' సినిమాతో థియేటర్ల దగ్గర దుమ్ములేపుతున్న బాలయ్య.. మరోవైపు ఓటీటీలోనూ అదరగొడుతున్నారు. 'అన్స్టాపబుల్ విత్ ఎన్బీకే' టాక్ షోతో అభిమానుల్ని అలరిస్తున్నారు.
ఇప్పటికే పలువురు సినీ ప్రముఖులు ఈ షోల్ సందడి చేయగా.. తాజాగా సూపర్స్టార్ మహేశ్బాబు ఎపిసోడ్కు సంబంధించిన ప్రోమో రిలీజ్ చేశారు. దీంతో అటు బాలయ్య, ఇటు మహేశ్ ఫ్యాన్స్ పండగ చేసుకుంటున్నారు.
ఇటీవల ఎన్టీఆర్ 'ఎవరు మీలో కోటీశ్వరులు' టాక్ షోలో పాల్గొన్న మహేశ్బాబు.. తనదైన మార్క్ టైమింగ్తో అలరించారు. ఆ ఎపిసోడ్ అభిమానులకు కనువిందు చేసింది. ఇలా రోజుల వ్యవధిలో బాబాయ్, అబ్బాయితో కలిసి మహేశ్ సందడి చేశారు. తాజాగా అన్స్టాపబుల్ విత్ ఎన్బీకే షోలో పాల్గొన్నారు. ఈ సీజన్కు ఇదే చివరి ఎపిసోడ్ కావడం విశేషం. పూర్తి ఎపిసోడ్ ఫిబ్రవరి 4న ప్రసారం కానుంది. అంతవరకు ప్రోమో చూసి పండగా చేసుకోండి.
- " class="align-text-top noRightClick twitterSection" data="">
మహేశ్ నటించిన 'సర్కారు వారి పాట' షూటింగ్ ప్రస్తుతం జరుగుతోంది. బ్యాంక్ రుణాల ఎగవేత నేపథ్య కథతో తీస్తున్న ఈ సినిమాలో మహేశ్ సరసన కీర్తి సురేశ్ హీరోయిన్గా చేస్తోంది. పరశురామ్ దర్శకత్వం వహిస్తున్నారు. వచ్చే ఏడాది ఏప్రిల్ 1న థియేటర్లలోకి రానున్నట్లు ఇప్పటికే ప్రకటించారు.
ఇదీ చూడండి: 'అల వైకుంఠపురములో' హిందీ రిలీజ్ వాయిదా
