కొవిడ్ సెకండ్ వేవ్ తగ్గుతున్న నేపథ్యంలో బిగ్బాస్ తెలుగు షో నిర్వహకులు ఐదో సీజన్ మొదలుపెట్టేందుకు సిద్ధమవుతున్నారు. ప్రస్తుతం కంటెస్టెంట్ల ఎంపిక జరుగుతోంది. ఈసారి గ్లామర్ డోస్ పెంచేందుకు హీరోయిన్ పాయల్ రాజ్పుత్ను హౌస్లోకి తీసుకొచ్చే ప్రయత్నాలు జరుగుతున్నాయి.
'ఆర్ఎక్స్ 100' లాంటి బోల్డ్ సినిమాతో అరంగేట్రం చేసిన పాయల్.. ఆ తర్వాత పలు సినిమాలు చేసినప్పటికీ హిట్ మాత్రం దక్కించుకోలేకపోతోంది. గత సీజన్లో గెస్ట్గా వచ్చి, డ్యాన్స్ చేసిన ఈ ముద్దుగుమ్మను.. కంటెస్టెంట్గా హౌస్లోకి తీసుకొస్తే, గ్లామర్కు కొదవ ఉండదని నిర్వహకులు భావిస్తున్నారు. ఆమె మాత్రం ఈ విషయమై ఎటు తేల్చుకోలేకపోతుందట. చివరగా ఆహా ఓటీటీలో వచ్చిన 'అనగ అనగా ఓ అతిథి' చిత్రంతో ప్రేక్షకుల్ని పలకరించింది.
ఇది చదవండి: బిగ్బాస్ సెట్ సీజ్ చేసిన పోలీసులు
