Grammy awards news: అమెరికాలోని లాస్ ఏంజెల్స్లో జరగాల్సిన గ్రామీ అవార్డుల వేడుక వాయిదా పడింది. ఈ విషయమై గ్రామీ అధికారిక ప్రసార సీబీఎస్, ది రికార్డింగ్ అకాడమీ ఉమ్మడి ప్రకటన విడుదల చేశాయి.
షెడ్యూల్ ప్రకారం జనవరి 31న ఈ వేడుక నిర్వహించాల్సి ఉంది. ఒమిక్రాన్ కేసులు పెరుగుతున్న నేపథ్యంలో వీటి వల్ల ఈవెంట్లో ఇబ్బంది ఏర్పడవచ్చని అకాడమీ అంచనా వేసింది. సంగీత నిర్వహకులు, ప్రేక్షకులు, వేడుక కోసం పనిచేసే సిబ్బంది ఆరోగ్య భద్రతే తమకు ముఖ్యమని చెప్పిన అకాడమీ.. త్వరలో కొత్త తేదీని ప్రకటిస్తామని పేర్కొంది.
గతేడాది కూడా కరోనా వల్ల గ్రామీ అవార్డుల వేడుక కొంతకాలం వాయిదా పడింది. ఆ తర్వాత స్టేపుల్స్ సెంటర్కు బదులుగా లాస్ ఏంజెల్స్లోని కన్వెన్షన్ సెంటర్లో అవుట్డోర్ సెట్లో ఈ కార్యక్రమం జరిగింది. గతేడాది ప్రేక్షకుల సీటింగ్ కెపాసిటీ తగ్గించడమే కాకుండా లైవ్ ప్రదర్శన కూడా ఇవ్వలేదు.
ఇవీ చదవండి:
