గత కొన్ని నెలల నుంచి టీవీ ప్రేక్షకుల్ని అలరిస్తూ వచ్చిన 'ఢీ: కింగ్స్ వర్సెస్ క్వీన్స్' తుది అంకానికి వచ్చేసింది. ఈ క్రమంలోనే ఈ డ్యాన్స్ షోకు సంబంధించిన కొత్త ప్రోమో రిలీజైంది. ఐకాన్ స్టార్ అల్లు అర్జున్.. గ్రాండ్ ఫినాలేకు ముఖ్య అతిథిగా విచ్చేశారు. ఈ పూర్తి ఎపిసోడ్.. డిసెంబరు 1న రాత్రి 9:30 గంటలకు ప్రసారం కానుంది.
అదిరిపోయే డ్యాన్స్లతో పలువురు కంటెస్టెంట్లు ప్రేక్షకులను అబ్బురపరిచారు. వీరికి తోడు సుధీర్-ప్రదీప్-ఆది చేసిన కామెడీ తెగ నవ్విస్తోంది.
'పుష్ప' ప్రమోషన్లో భాగంగా అల్లు అర్జున్.. పలు కార్యక్రమాల్లో సందడి చేస్తూ వచ్చారు. ఈ క్రమంలోనే 'ఢీ'లోనూ సందడి చేశారు. తన కొత్త సినిమా 'పుష్ప'లోని 'ఏయ్ బిడ్డా ఇది నా అడ్డా' సాంగ్కు తనదైన మేనరిజంతో కనువిందు చేశారు.
డిసెంబరు 17న పాన్ ఇండియా స్థాయిలో 'పుష్ప' రిలీజ్ కానుంది. ఇందులో బన్నీ సరసన రష్మిక నటించింది. ఎర్రచందనం స్మగ్లింగ్ నేపథ్య కథతో దీనిని తెరకెక్కించారు. ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీ మూవీ మేకర్స్ నిర్మించింది.
- " class="align-text-top noRightClick twitterSection" data="">
ఇవీ చదవండి:
