బాలీవుడ్ హీరోయిన్ జరీన్ఖాన్ గురించి సామాజిక మాధ్యమాల్లో ప్రస్తుతం తెగ చర్చ జరుగుతోంది. ఇటీవలే ఆమె ఇన్స్టాలో పోస్ట్ చేసిన ఓ ఫొటోపై నెటిజన్లు విపరీతంగా కామెంట్లు చేస్తున్నారు. వాటికి తగిన రీతిలో సమాధానమిచ్చిందీ భామ.
ఇంతకీ ఏం జరిగింది?
ఉదయ్‌పూర్‌లోని పిచోలా సరస్సు దగ్గర నిలబడి ఉన్న తన ఫొటోను ఇన్‌స్టాగ్రామ్‌లో పెట్టింది. ఆ ఫొటో చూసిన నెటిజన్లు.."ఏంటి జరీన్ నీ పొట్టపై అంతపెద్ద చారలు కనిపిస్తున్నాయి" అంటూ వ్యాఖ్యలు జోడించారు. కొంతమంది మాత్రం "నువ్వు చాలా ధైర్యంగా, ఎలా ఉన్నావో ఆ ఫొటోనే పోస్ట్ చేశావ్. హ్యాట్సాఫ్‌" అని అన్నారు.
ఈ వ్యాఖ్యలపై తనదైన రీతిలో సమాధానమిచ్చింది హీరోయిన్ జరీన్ఖాన్.
"అవును నా పొట్ట మీద ఉన్నవి నిజమైన చారలే. ఎందుకంటే ఈ మధ్యనే నేను కొన్ని డైట్స్‌ పాటించాను. అందువల్లే సన్నబడ్డా. ఫొటో మార్ఫింగ్‌ చేయలేదు. సర్జరీ చేసుకోలేదు. మీరు ఎగతాళి చేసి నా లోపాలను చెప్పినందుకు నేనేమీ మీపై కోప్పడను. ఆ విమర్శలను సగౌరవంగా స్వీకరిస్తా" -హీరోయిన్ జరీన్ఖాన్
సల్మాన్‌ఖాన్‌ 'వీర్‌' చిత్రంతో బాలీవుడ్లో కథానాయికగా అడుగుపెట్టింది జరీన్. తెలుగులో గోపీచంద్ సరసన 'చాణక్య', పంజాబీ చిత్రం 'డాకా'లో నటిస్తూ బిజీగా ఉంది.
ఇది చదవండి: 'సాహో' వసూళ్ల సునామీ.. తొలిరోజే సెంచరీకి మించి
