టాలీవుడ్ యువ కథానాయకులు నితిన్, నిఖిల్ ఒకే రోజు కొత్త జీవితాన్ని ప్రారంభించనున్నారట. మరో ఆసక్తికర విషయం ఏమిటంటే ఇద్దరు హీరోలు ప్రేమ వివాహాలే చేసుకోనున్నారు. నితిన్ తన స్నేహితురాలు షాలినితో కొన్నేళ్లుగా ప్రేమలో ఉన్నాడు. వీరు ఇరు కుటుంబాలను ఒప్పించి నిశ్చితార్థం కూడా జరుపుకొన్నారు. ఈ వేడుకకు సంబంధించిన ఫొటోలను ట్విట్టర్ వేదికగా పంచుకుంది ఈ యువ జంట. నితిన్ - షాలిని వివాహం ఏప్రిల్‌ 16న జరగనుందని సమాచారం.
అదే రోజు నిఖిల్ కూడా తన ప్రేయసి పల్లవితో ఏడడుగులు వేయనున్నాడు. ఇటీవలే తన డాక్టర్‌ ప్రేయసితో నిశ్చితార్థం జరుపుకొన్నాడు నిఖిల్. ఏప్రిల్‌ 16నే ఆమెకు మూడు ముళ్లు వేసేందుకు సిద్ధమయ్యాడని తెలుస్తోంది. వీరిలో నితిన్ వివాహం దుబాయ్‌లో జరగనుంది. ఇక నిఖిల్ వివాహ వేదికపై ఇంకా స్పష్టత రాలేదు.
ఇదీ చదవండి: ఈ చిత్రాన్ని తీయడానికి కారణమదే: అరణ్య డైరెక్టర్
