యువ కథానాయకుడు కార్తికేయ 'వాలిమై'తో తమిళంలోకి అడుగుపెట్టనున్నాడు. అజిత్ ప్రధాన పాత్రలో నటిస్తున్న చిత్రమిది. లాక్‌డౌన్‌ కారణంగా మార్చిలో ఈ సినిమా చిత్రీకరణ ఆగిపోయింది. కొన్ని రోజులుగా ఈ చిత్రంలోని కీలక యాక్షన్‌ ఘట్టాలను తెరకెక్కిస్తున్నారట. కార్తికేయపై తీస్తున్న ఈ సన్నివేశాలను చెన్నైలోని ఓ హైవేపై తెరకెక్కించారు. త్వరలోనే అజిత్ కూడా చిత్రీకరణలో పాల్గొననున్నట్టు చిత్రబృందం చెబుతోంది.
ఈ సినిమాకు సంబంధించి విదేశీ షెడ్యూల్‌ను ప్రస్తుతానికి వాయిదా వేశారట. హెచ్‌.వినోద్‌ దర్శకత్వం వహిస్తున్న ఈ చిత్రానికి బోనీకపూర్‌ నిర్మాత. కార్తికేయ తెలుగులో 'చావు కబురు చల్లగా' చేస్తున్నాడు. ఇటీవలే ఈ సినిమా టీజర్ విడుదలై ఆకట్టుకుంటోంది.
