'ఆర్ఆర్ఆర్'లోని కొమరం భీమ్ పాత్ర ముస్లిం గెటప్లో ఉన్న ఫొటో గతంలో రిలీజ్ చేసినప్పుడు పెద్ద వివాదమైంది! పలువురు రాజకీయ నాయకులతో పాటు ముస్లిం సంఘాలు ఈ పోస్టర్పై విమర్శలు చేశాయి. చరిత్రను వక్రీకరించి, భీమ్ పాత్రను ముస్లింగా చూపిస్తున్నారని ఆగ్రహం వ్యక్తం చేశాయి. అయితే ఈ రోల్ సదరు గెటప్ ఎందుకు వేయాల్సి వచ్చింది చిత్ర రచయిత విజయేంద్రప్రసాద్ వెల్లడించారు.
ముస్లిం టోపీ అందుకే..
నిజాం పోలీసులు తన కోసం గాలిస్తున్న సమయంలో, వారి నుంచి తప్పించుకునేందుకే కొమరం భీమ్ పాత్ర ముస్లిం టోపీ ధరిస్తుందని విజయేంద్రప్రసాద్ అన్నారు. సినిమాలో రామ్చరణ్ పోలీస్గా ఎందుకు కనిపిస్తాడనే విషయం తెలిసిన తర్వాత ఆశ్చర్యపోతారని చెప్పారు.
వారిద్దరి కోసమే స్క్రిప్ట్
అయితే 'ఆర్ఆర్ఆర్' స్క్రిప్ట్ను ఎన్టీఆర్, రామ్చరణ్ను దృష్టిలో పెట్టుకునే రాసినట్లు విజయేంద్రప్రసాద్ స్పష్టం చేశారు.
చెప్పిన తేదీకే రిలీజ్
చరిత్రకు కాస్త కల్పితం జోడించి 'ఆర్ఆర్ఆర్'ను తీస్తున్నారు. చరణ్.. అల్లూరి సీతారామరాజుగా, ఎన్టీఆర్.. కొమరం భీమ్గా నటిస్తున్నారు. రాజమౌళి దర్శకత్వం వహిస్తున్నారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ కీలకపాత్రలు పోషిస్తున్నారు. కీరవాణి సంగీతమందిస్తున్నారు. డీవీవీ దానయ్య రూ.450 కోట్ల భారీ బడ్జెట్తో నిర్మిస్తున్నారు. ఈ ఏడాది అక్టోబరు 13న సినిమా ప్రపంచవ్యాప్తంగా థియేటర్లలో విడుదల కానుంది.
- " class="align-text-top noRightClick twitterSection" data="">
ఇవీ చదవండి:
