వార్ సినిమా కలెక్షన్లతో బాక్సాఫీస్ను షేక్ చేస్తున్నాడు బాలీవుడ్ గ్రీక్ గాడ్ హృతిక్ రోషన్. టైగర్ష్రాఫ్తో కలిసి అతడు నటించిన ఈ చిత్రం... విడుదలైన తొలిరోజే రూ. 53.35 కోట్లు కలెక్షన్లు సాధించింది. హిందీలో అత్యధిక వసూళ్లు సాధించిన చిత్రంగా రికార్డు కెక్కింది 'వార్'.
ఒక్క హిందీలోనే రూ. 51.60 కోట్లు వసూలు చేసిన ఈ చిత్రం... తెలుగు, తమిళంలో రూ. కోటి 75 లక్షలు రాబట్టినట్లు చిత్రబృందం తెలిపింది. సైరా నరసింహారెడ్డి సినిమాతో పోటీ ఎదుర్కొన్నప్పటికీ వసూళ్లపై ఏ మాత్రం ప్రభావం పడలేదు.
ఇద్దరు యాక్షన్ సూపర్స్టార్లు నటించిన 'వార్' సినిమాకు ప్రేక్షకుల నుంచి భారీ స్పందన వస్తోంది. ఇంతకుముందు చూడని విజువల్ ఎఫెక్ట్స్కు ప్రజలు ముగ్ధులైపోతున్నారు. చిత్ర విజయంలో భాగమైన హృతిక్ - టైగర్కు అభినందనలు. -యశ్ రాజ్ ఫిల్మ్స్, నిర్మాణ సంస్థ.
యశ్ రాజ్ ఫిల్స్ బ్యానర్పై నిర్మించిన ఈ సినిమాకు సిద్ధార్థ్ ఆనంద్ దర్శకత్వం వహించాడు. ఆదిత్య కపూర్ నిర్మాత. వాణి కపూర్ కీలకపాత్రలో నటించింది.
- " class="align-text-top noRightClick twitterSection" data="">
ఇదీ చదవండి: రివ్యూ: యాక్షన్ థండర్.. హృతిక్ వార్!
