టీమిండియా సారథి విరాట్ కోహ్లీ ఓ బాలీవుడ్ సినిమాలో కనిపించి ప్రేక్షకులను అలరించనున్నాడు. అయితే ఇందులో నటించింది నిజమైన కింగ్ కోహ్లీ కాదు. విరాట్ను పోలినట్లు ఉండే టిక్టాక్ స్టార్ గౌరవ్ అరోరా. ప్రముఖ నటీనటులు దుల్కర్ సల్మాన్, సోనమ్ కపూర్ జంటగా 'జోయా ఫ్యాక్టర్' చిత్రం తెరకెక్కుతోంది. ఇందులోని కోహ్లీ వీడియోను విడుదల చేసింది చిత్రబృందం.
- " class="align-text-top noRightClick twitterSection" data="">
అభిషేక్‌ శర్మ దర్శకుడు. క్రికెట్ నేపథ్యంలో ఈ సినిమా సాగుతుంది. దుల్కర్ సల్మాన్ ప్రధాన పాత్ర పోషించాడు. అనుజా చౌహాన్ నవల ఆధారంగా ఈ చిత్రం తెరకెక్కుతోంది. యాడ్ ఏజెన్సీ ఏజెంట్ అయిన జోయా... భారత క్రికెట్ జట్టును కలిసినప్పుడు ఎటువంటి ఆసక్తికరమైన పరిణామాలు చోటు చేసుకున్నాయనే అంశాలతో ఈ చిత్రం రూపొందుతోంది.
ఇటీవలే ఈ సినిమా ట్రైలర్ విడుదలైంది. ధోనీ సారథ్యంలో భారత జట్టు ప్రపంచకప్(2011) గెలవడం ప్రధానాంశంగా రూపొందించారు. ఇప్పుడు ఈ ట్రైలర్పై భారత క్రికెట్ దిగ్గజం సచిన్ తెందూల్కర్ ప్రశంసలు కురిపించారు.
" ది జోయా ఫాక్టర్ ట్రైలర్‌ను చూశాను. నా స్నేహితుడు అనిల్‌ కపూర్ కుమార్తె సోనమ్ కపూర్‌కు ఆల్ ది బెస్ట్ ".
-- సచిన్ తెందూల్కర్, భారత క్రికెట్ దిగ్గజం
మాస్టర్ ట్వీట్కు దుల్కర్ సల్మాన్ ధన్యవాదాలు చెప్పాడు. సోనమ్ కపూర్ సంతోషం వ్యక్తం చేసింది. "ఓ మై గాడ్.. ధన్యవాదాలు సర్. ఇదంతా మీ ప్రేమ" అని బదులిచ్చింది. ఈనెల 20న ప్రేక్షకుల ముందుకు రానుందీ చిత్రం.
ఇదీ చూడండి...
