యామీ గౌతమ్(Yami Gautam) పెళ్లి ఫొటోపై 'మీర్జాపూర్' ఫేమ్ విక్రాంత్ మాస్సే(Vikrant Massey) చేసిన కామెంట్.. కంగనా రనౌత్(Kangana Ranaut)ను ఆగ్రహానికి గురిచేసింది. యామీ రాధే మాతలా ఉందంటూ ఇన్స్టాగ్రామ్లో విక్రాంత్ మాస్సే చేసిన కామెంట్కు కంగన ఘాటుగా బదులిచ్చింది. సదరు నటుడ్ని బొద్దింకతో పోలుస్తూ కంగన కామెంట్ చేయగా.. ఇప్పుడు ఆ పోస్ట్ వైరల్గా మారింది.
ఏం జరిగిందంటే?
ఇన్స్టాగ్రామ్లో యామీ పోస్ట్ చేసిన ఫొటోపై రాధే మాతలా ఉన్నావంటూ విక్రాంత్ మాస్సే కామెంట్ చేశాడు. దీనిపై స్పందించిన కంగన.. "ఈ బొద్దింక ఎక్కడి నుంచి వచ్చింది.. ఎవరో నా చెప్పు తీసుకెళ్లారు" అని ఘాటుగా రిప్లే ఇచ్చింది. "హిమాచల్ ప్రదేశ్కు చెందిన వధువు దేవతలాగ అత్యంత సుందరంగా కనిపిస్తుంది" అని కంగన మరో కామెంట్ చేసింది. మరోవైపు బాలీవుడ్ నటుడు ఆయుష్మాన్ ఖురానా కూడా ఆమె ఫొటోపై స్పందించాడు.
ఆదివారం (జూన్ 4) బాలీవుడ్ దర్శకుడు ఆదిత్య ధర్(Aditya Dhar)ను యామీ గౌతమ్(Yami Gautam) వివాహమాడింది. యామీ, ఆదిత్య.. 2019లో వచ్చిన 'ఉరి'(URI) సినిమా కోసం కలిసి పనిచేశారు. ఆ సమయంలోనే స్నేహం చిగురించి, అది కాస్త ప్రేమగా మారి, పెళ్లి వరకు వచ్చినట్లు తెలుస్తోంది. తెలుగులో కూడా యామీ గౌతమ్ పలు సినిమాల్లో నటించి, గుర్తింపు తెచ్చుకుంది. ప్రస్తుత అభిషేక్ బచ్చన్తో కలిసి 'దస్వీ' చేస్తోంది.
ఇదీ చూడండి: Yami gautham: స్టార్ దర్శకుడితో హీరోయిన్ యామీ పెళ్లి
