విజయ్ సేతుపతి.. ఈ పేరు గురించి ప్రత్యేకంగా చెప్పాల్సిన పనిలేదు. తెలుగు, తమిళ, మలయాళ, హిందీ భాషల్లోని సినిమాల్లో నటిస్తూ బిజీగా ఉన్న నటుడు ఈయన. దీంతో పాటే వెబ్ సిరీస్లు, షార్ట్ ఫిల్మ్స్లో కీలక పాత్రలు పోషిస్తూ సందడి చేస్తున్నారు.
ఇప్పుడు తమిళంలో 'కుకు విత్ కోమలి' షోకు కొనసాగింపుగా రానున్న ఓ వంటల ప్రోగ్రామ్కు వ్యాఖ్యాతగా వ్యవహరించేందుకు విజయ్ అంగీకారం తెలిపినట్లు సమాచారం. ఇందుకోసం ఆయనకు భారీ మొత్తం ఇచ్చే ఆలోచనలో నిర్వహకులు ఉన్నారట.
ఇప్పటికే ప్రముఖ తమిళ ఛానెల్లో 'నమ్మ ఒరు హీరో' షోకు హోస్ట్గా వ్యవహరిస్తున్నారు విజయ్. ఇది అత్యధిక టీఆర్పీ రేటింగ్లు దక్కించుకుని, ప్రేక్షకుల్ని అలరిస్తోంది.
