దాదాపు మూడువారాల పాటు కరోనాతో పోరాడిన బాలీవుడ్ మెగాస్టార్ అమితాబ్ బచ్చన్, ఎట్టకేలకు కోలుకున్నారు. నానావతి ఆస్పత్రి నుంచి డిశ్చార్జ్ అయ్యారు. ఈ విషయాన్ని చెబుతూ ఆయన కుమారుడు అభిషేక్ బచ్చన్ ట్వీట్ చేశారు. ఇప్పుడు ఇంటికి వెళ్లి విశ్రాంతి తీసుకుంటారని, నాన్న కోలుకోవాలని ప్రార్థించిన ప్రతి ఒక్కరికి ధన్యవాదాలు రాసుకొచ్చారు.
జులై 11న అమితాబ్, అభిషేక్ కరోనా బారినపడ్డారు. ఆ తర్వాత చేసిన పరీక్షల్లో బిగ్బీ కోడలు ఐశ్వర్యారాయ్, ఆమె కుమార్తె ఆరాధ్య వైరస్ సోకినట్లు తేలింది. వీరిద్దరూ త్వరగానే కోలుకున్నారు. ఇప్పుడు అమితాబ్ కోలుకున్నారు. అభిషేక్ మాత్రం ఇంకా చికిత్స తీసుకుంటూనే ఉన్నారు.
