మలయాళంలో విజయవంతమైన 'మహేశింతే ప్రతీకారమ్‌' చిత్రం రీమేక్గా తెలుగులో 'ఉమామహేశ్వర ఉగ్రరూపశ్య'గా రానుంది. 'కేరాఫ్ కంచరపాలెం' లాంటి విభిన్న కథా చిత్రంతో దర్శకుడిగా వెండితెరకు పరిచయమైన వెంకటేశ్ మహా ఈ సినిమాకు దర్శకత్వం వహిస్తున్నాడు. సత్యదేవ్‌ ప్రధాన పాత్రలో నటిస్తున్న ఈ మూవీలో నరేశ్‌ కీలకపాత్ర పోషిస్తున్నాడు.
శోభూ యార్లగడ్డ, ప్రసాద్‌ దేవినేని ఈ చిత్రానికి నిర్మాతలుగా వ్యవహరిస్తున్నారు. టాలీవుడ్‌లో ప్రతిష్ఠాత్మకంగా తెరకెక్కిన 'బాహుబలి' చిత్రాన్ని నిర్మించిన ఆర్కా మీడియా వర్క్స్‌ బ్యానర్‌పై తెరకెక్కుతుందీ సినిమా.
- " class="align-text-top noRightClick twitterSection" data="">
మహా శివరాత్రి పర్వదినాన్ని పురస్కరించుకుని శుక్రవారం ఈ సినిమా టీజర్‌ను సోషల్‌మీడియా వేదికగా విడుదల చేసింది చిత్రబృందం. విభిన్న కథా చిత్రంగా తెరకెక్కుతోన్న ఈ సినిమా టీజర్‌లోని సన్నివేశాలు ఆకట్టుకునేలా ఉన్నాయి. గ్రామీణ నేపథ్యంలో సాగే ఈ మూవీలో సత్యదేవ్‌ ఫొటోగ్రాఫర్‌గా కనిపించనున్నాడు.
ఇదీ చూడండి : వర్షం అడ్డంకి: మొదటి రోజు ముగిసిన ఆట.. భారత్ 122/5
