'చూసి చూడంగానే' చిత్రానికి శివ కందుకూరి హీరో, శేష సింధు రావ్‌ దర్శకత్వం వహించాడు. ఈ సినిమా శుక్రవారం ప్రేక్షకుల ముందుకు రానుంది. ఈ సందర్భంగా గురువారం హైదరాబాద్‌లో విలేకర్లతో ముచ్చటించింది హీరోయిన్ వర్ష.
ఇందులో మీ పాత్ర ఎలా ఉంటుంది?
వర్ష: ఇందులో నేను శ్రుతి అనే యువతి పాత్ర పోషిస్తున్నా. డ్రమ్మర్‌, మ్యూజిక్‌ డైరెక్టర్‌గా కనిపిస్తా. కథానాయకుడితో సరిసమానమైన ప్రాధాన్యమున్న పాత్రలో నటించా.
డ్రమ్మర్‌గా కనిపించేందుకు ఎలా సిద్ధమయ్యారు?
వర్ష: డ్రమ్మర్‌ పాత్ర గురించి చెప్పినప్పుడు కాస్త భయపడ్డా. ఎందుకంటే ఇప్పటి వరకు నేను చేసినవన్నీ సున్నితమైన పాత్రలు. ఈ తరహా పాత్ర చెయ్యగలనో లేదో అనుకున్నా. కానీ, నిర్మాతలు, దర్శకురాలు ఎంతో ప్రోత్సాహాన్నిచ్చారు. ఈ చిత్ర సెట్స్‌లోకి అడుగుపెట్టేముందు కాస్త శిక్షణ కూడా తీసుకున్నా.
'చూసీ చూడంగానే' కథ ఏంటి?
వర్ష: ఈ కథలో చాలా కోణాలున్నాయి. శేష సింధు మనసుకు హత్తుకునేలా తెరకెక్కించారు. ప్రతి ఒక్కరినీ ఈ సినిమా ఆకట్టుకుంటుంది.
హీరో శివ గురించి?
వర్ష: శివతో కలిసి పనిచేయడం సంతోషం అనిపించింది. అటు పెద్ద హీరోలతో.. ఇటు కొత్తవాళ్లతో చేస్తున్నప్పుడు ఆ అనుభవం భిన్నంగా అనిపిస్తుంది.
సినిమాల్లోకి ఎలా వచ్చారు?
వర్ష: నాకు చిన్నప్పటి నుంచి నటనపై ఆసక్తి ఉండేది. మైక్రో బయాలజీ పూర్తయ్యాక 'వెట్రివేల్‌' అనే తమిళ చిత్రంతో వెండితెరపైకి వచ్చా. మలయాళంలోనూ మూడు చిత్రాలు చేశా.
- " class="align-text-top noRightClick twitterSection" data="">
మీ తర్వాతి చిత్రాలు ఏంటి?
వర్ష: ప్రస్తుతం తెలుగులో 'జాను' సినిమాలో నటించా. తమిళ '96'లో నేను పోషించిన పాత్రనే ఇందులోనూ చేశా. ఆనంద్‌ దేవరకొండతో ఓ సినిమా చేస్తున్నా. అందులో నేను గుంటూరు అమ్మాయిగా నటిస్తున్నా. ఆ పాత్రకి నేనే డబ్బింగ్‌ చెప్తున్నా.
ఇదీ చూడండి..మాస్ మహారాజ్ మరోసారి ద్విపాత్రాభినయం?
