మాస్ మహారాజా రవితేజ కథానాయకుడిగా గోపీచంద్ మలినేని దర్శకత్వంలో ఓ చిత్రం తెరకెక్కబోతుంది. ఈ సినిమాలో తమిళ స్టార్ వరలక్ష్మి శరత్కుమార్ నటించనుంది. ఈ విషయాన్ని చిత్రబృందం సోషల్‌మీడియా వేదికగా ప్రకటించింది.
ఈ సినిమాలో రవితేజ సరసన శ్రుతి హాసన్‌ హీరోయిన్గా చేస్తోంది. ఇది 'బలుపు', 'డాన్‌ శ్రీను' తర్వాత రవితేజ-గోపీచంద్ మలినేని కాంబినేషన్‌లో వస్తున్న మూడో సినిమా కావడం విశేషం. రవితేజ ప్రస్తుతం 'డిస్కోరాజా' షూటింగ్లో బిజీగా ఉన్నాడు. జనవరి 24న ఈ చిత్రాన్ని విడుదల చేయడానికి సన్నాహాలు చేస్తున్నారు.
వరలక్ష్మి పలు తమిళ, మలయాళ, కన్నడ సినిమాల్లో నటించి గుర్తింపు తెచ్చుకుంది. తెలుగులో నేరుగా నటిస్తున్న తొలి సినిమా 'తెనాలి రామకృష్ణ బీఏబీఎల్‌'. ఈ నెల 15న ఈ చిత్రం విడుదల కాబోతోంది. దీని తర్వాత వరలక్ష్మి తెలుగులో రవితేజ ప్రాజెక్టుకు సంతకం చేసింది.
ఇవీ చూడండి.. మహేశ్ మేనల్లుడు అశోక్ హంగామా..
