మహేశ్బాబు-వంశీ పైడిపల్లి కాంబోలో రానున్న సినిమా కొన్ని అనివార్య కారణాల వల్ల ఇటీవల పట్టాలెక్కకుండా ఆగిపోయింది. కారణం ఏదేమైనప్పటికీ వంశీ.. మహేశ్ కోసం సిద్ధం చేసిన కథకు తుది మెరుగులు దిద్దే పనిలో పడ్డాడట. అయితే ప్రస్తుతం పరశురామ్ దర్శకత్వంలో ప్రిన్స్ 'సర్కారు వారి పాట' సినిమా చేయబోతున్నాడు. ఈ నేపథ్యంలో సూపర్స్టార్-వంశీ సినిమా మళ్లీ సెట్స్పైకి వెళ్లడానికి చాలా సమయం పడుతుంది.
అయితే ఈ సమయంలో వంశీ రెండు వెబ్సిరీస్లు తెరకెక్కించే ప్రయత్నంలో ఉన్నాడని టాక్. ప్రముఖ నిర్మాత అల్లు అరవింద్తో కలిసి ఈ సిరీస్లు నిర్మించనున్నాడని తెలుస్తోంది. ఇప్పటికే వీరిద్దరి మధ్య చర్చలు కూడా జరిగాయని సమాచారం. అందులో ఒకదానికి వంశీనే దర్శకత్వం వహించనున్నాడట.
ఇదీ చూడండి : 'సోనూ.. నా భర్త నుంచి దూరం చేయవా'
