బాలీవుడ్ స్టార్స్ అక్షయ్ కుమార్, హృతిక్ రోషన్, రణ్బీర్ కపూర్ గురించి తన అభిప్రాయాలను తెలిపింది హీరోయిన్ వానీ కపూర్. వీరితో కలిసి తెర పంచుకునే అవకాశం రావడం పట్ల సంతోషం వ్యక్తం చేసింది. ఈ స్టార్ హీరోల సినిమాలంటే తనకెంతో ఇష్టమని.. వారితో కలిసి నటించాలనే కోరిక నిజమవడం ఆనందంగా ఉందని వెల్లడించింది. ఈ ముగ్గురికి అసాధారమైన ప్రతిభతో సహా చిత్రసీమలో వారికంటూ ఓ ప్రత్యేక స్టైల్ ఉందని చెప్పుకొచ్చింది.
"హృతిక్, రణ్బీర్, అక్షయ్తో కలిసి నటించడం నా కల. అవి ఈ రోజు నెరవేరాయి. హృతిక్.. ప్రతిభ, వృతి పట్ల నిబద్ధత కలవాడు. రణ్బీర్ చాలా ప్రశాంతంగా, నిత్యం కష్టపడుతుంటాడు. అక్షయ్.. చిత్రసీమలోనే ప్రతిఒక్కరికి స్ఫూర్తిగా నిలిచే వ్యక్తి. వీరందరూ నన్ను బాగా ప్రోత్సాహించారు. "
-వానీ కపూర్, హీరోయిన్.
హృతిక్తో కలిసి 'వార్' సినిమాలో కనువిందు చేసింది వానీ. త్వరలోనే రణ్బీర్తో 'షంషేరా', అక్షయ్తో 'బెల్ బాటమ్' చిత్రాలతో ప్రేక్షకుల ముందుకు రానుందీ భామ.
ఇది చూడండి : మాతృత్వపు అనుభూతి పొందుతున్నా: పెర్రీ
