*సూర్య ప్రధాన పాత్రలో నటిస్తున్న కొత్త సినిమా 'వడివాసల్'. 'అసురన్' లాంటి బ్లాక్బస్టర్ తర్వాత డైరెక్టర్ వెట్రిమారన్ తీస్తున్న ప్రాజెక్టు ఇది. ఇప్పటికే టైటిల్ వెల్లడించినప్పటికీ, అందుకు సంబంధించిన ఫస్ట్లుక్ను శుక్రవారం(జులై 16) సాయంత్రం 5:30 గంటలకు విడుదల చేయనున్నట్లు వెల్లడించారు.
*మలయాళ సూపర్స్టార్ మమ్ముట్టి హీరోగా నటిస్తున్న చిత్రం 'బ్రో డాడీ'. మరో కథానాయకుడు పృథ్వీరాజ్ దర్శకత్వం వహించడం సహా ఇందులో నటిస్తున్నారు. ఈ సినిమా షూటింగ్ హైదరాబాద్లో గురువారం(జులై 15) ప్రారంభమైంది. కొన్ని ఫొటోలను సోషల్ మీడియాలో పోస్ట్ చేశారు. ఇంతకుముందు మోహన్లాల్-పృథ్వీరాజ్ కాంబినేషన్లో వచ్చిన 'లూసిఫర్' ప్రేక్షకుల్ని అలరించింది.
*వెబ్సిరీస్లో నటించేందుకు శిల్పాశెట్టి గ్రీన్సిగ్నల్ ఇచ్చేసింది. ఇప్పుడే అన్ని వివరాలు చెప్పేయడం తొందరపాటు అవుతుందని ఆమె అభిప్రాయపడింది. వచ్చే ఏడాది నుంచి షూటింగ్లో పాల్గొంటానని వెల్లడించింది. ఇదే కాకుండా ఓ సినిమాక అంగీకారం తెలిపింది శిల్పా. ఈ ఏడాది చివర్లో అది మొదలయ్యే అవకాశముంది.
*సిద్ధార్థ్ మల్హోత్రా హీరోగా నటిస్తున్న 'షేర్షా'. కార్గిల్ వార్లో వీరమరణం పొందిన విక్రమ్బత్రా జీవితం ఆధారంగా ఈ సినిమా తెరకెక్కించారు. ఆగస్టు 12 నుంచి అమెజాన్ ప్రైమ్లో చిత్రం స్ట్రీమింగ్ కానుంది. కియారా అడ్వాణీ హీరోయిన్. విష్ణువర్ధన్ దర్శకత్వం వహించారు.
- " class="align-text-top noRightClick twitterSection" data="">
ఇవీ చదవండి:
