కరోనా వల్ల ప్రపంచవ్యాప్తంగా కుదేలైన రంగాల్లో సినీరంగం ఒకటి. లాక్డౌన్తో థియేటర్లన్నీ మూసుకుపోయి.. షూటింగ్లు, సినిమా విడుదలలు వాయిదాపడ్డాయి. థియేటర్లలో విడుదలవ్వాల్సిన సినిమాలను వేరే దారి లేక కొంతమంది దర్శకనిర్మాతలు ఓటీటీ ప్లాట్ఫామ్లో విడుదల చేసుకుంటున్నారు. అయితే ఈ ఓటీటీ వైపు కేవలం చిన్న సినిమాలు మాత్రమే మొగ్గు చూపాయి. ఎందుకంటే ఇదే ఫార్ములా బడా బడ్జెట్ చిత్రాలు అనుకరిస్తే.. నిర్మాతలు నష్టపోవాల్సి వస్తుంది. హాలీవుడ్ చిత్రాలైతే ప్రత్యేకంగా చెప్పనక్కర్లేదు. వాటికి వాటిల్లే నష్టం ఊహకు కూడా అందనిది. ఈ నేపథ్యంలో థియేటర్లు పునఃప్రారంభమయ్యాకే సినిమాను ప్రేక్షకుల ముందుకు తీసుకురానున్నారు దర్శక నిర్మాతలు. ప్రస్తుతం ప్రతిష్ఠాత్మకంగా భారీ బడ్జెట్తో తెరకెక్కిన ఏఏ హాలీవుడ్ సినిమాల విడుదల తేదీలు వాయిదా పడ్డాయో తెలుసుకుందాం.
'టెనెట్'
హాలీవుడ్లో ప్రతిష్ఠాత్మకంగా భారీ బడ్జెట్తో తెరకెక్కిన సినిమా 'టెనెట్'. ఈ చిత్రానికి క్రిస్టోఫర్ నోలన్ దర్శకుడు. జులై 17న విడుదల కావాల్సిన ఈ చిత్రం కరోనా కారణంగా జులై 31కి వాయిదా పడింది. ఈ విషయాన్ని నిర్మాణ సంస్థ వార్నర్ బ్రదర్స్ తెలిపింది. టైమ్ ఇన్వర్షన్ అనే వినూత్న కథాంశంతో ఈ సినిమాను తీశారు. ఇందులో జాన్ డేవిడ్ వాషింగ్టన్, రాబర్ట్ పాటిన్సన్, డింపుల్ కపాడియా, మైకేల్ కెయిన్, ఎలిజిబెత్ ప్రధాన పాత్రలు పోషించారు. ఇప్పటికే వచ్చిన ట్రైలర్.. సినిమాపై అంచనాల్ని పెంచింది.
- " class="align-text-top noRightClick twitterSection" data="">
'వండర్ ఉమెన్ 1984'
హాలీవుడ్లో భారీ బడ్జెట్తో తెరకెక్కిన మరో సినిమా 'వండర్ ఉమెన్ 1984'. హాలీవుడ్ నటి గాల్ గాడోట్ కథానాయిక. ప్యాటీ జెంకిన్స్ దర్శకత్వం వహించిన.. ఈ సినిమా ఆగస్టు 14 నుంచి అక్టోబర్ 2కు వాయిదా పడింది.
- " class="align-text-top noRightClick twitterSection" data="">
మ్యాట్రిక్స్ 4
కియాను రీవ్స్ నటించిన సైన్స్ఫిక్షన్ సినిమా 'మ్యాట్రిక్స్ 4'. తొలుత 2021 మే 21న విడుదల కావాల్సి ఉండగా ప్రస్తుతం 2022 ఏప్రిల్ 1కు వాయిదా పడింది. లానా వచోస్కి దర్శకత్వం వహించారు.
- " class="align-text-top noRightClick twitterSection" data="">
గాడ్జిల్లా వర్సెస్ కాంగ్
ప్రపంచవ్యాప్తంగా గుర్తింపుపొందిన హాలీవుడ్ చిత్రాల్లో గాడ్జిల్లా, కాంగ్ సిరీస్లు ఉన్నాయి. ఈ సిరీస్లో భాగంగా 'గాడ్జిల్లా వర్సెస్ కాంగ్' రూపొందింది. ఈ చిత్రం 2020 నవంబరు 20 నుంచి 2021 మే 21కి వాయిదా పడింది.
- " class="align-text-top noRightClick twitterSection" data="">
టామ్ అండ్ జెర్రీ
టామ్ అండ్ జెర్రీ.. ఈ టీవీ కార్టూన్ సీరియల్కు ప్రపంచవ్యాప్తంగా అభిమానులున్నారు. దీనిని ప్రస్తుతం వెండితెరపై చూపించేందుకు సిద్ధమవుతున్నారు దర్శకుడు టిమ్ స్టోరీ. ఈ ఏడాది డిసెంబరు 23న రావాల్సిన ఈ మూవీ.. 2021 మే 21కు వాయిదా పడింది.
- " class="align-text-top noRightClick twitterSection" data="">
బయాస్
టామ్ హాంక్స్ నటించిన సైన్స్ ఫిక్షన్ అడ్వెంచర్ మూవీ 'బయాస్'. ఈ చిత్రం 2021 ఏప్రిల్ 16న థియేటర్లలోకి రానుంది.
ఇది చూడండి : ఈ తెలుగు స్టార్స్ బాలీవుడ్లో సత్తా చాటుతారా?
