Trivikram samantha movie: స్టార్ హీరోయిన్ సమంత విడాకుల తర్వాత కెరీర్పై పూర్తి దృష్టి సారించింది. ఓవైపు వరుసగా సినిమాల్లో నటిస్తూనే మరోవైపు సోషల్మీడియాలోనూ చురుగ్గా ఉంటోంది. తాజాగా ఈ ముద్దుగుమ్మకు మరో క్రేజీ ఆఫర్ వరించబోతున్నట్లు తెలుస్తోంది.
దర్శకుడు త్రివిక్రమ్.. సామ్ కోసం ఓ వైవిధ్యభరితమైన కథను సిద్ధం చేసినట్లు వార్తలు వినిపిస్తున్నాయి. త్వరలోనే ఆమెను కలిసి కథను వివవించనున్నారట!
త్రివిక్రమ్.. చివరిసారిగా 'అలవైకుంఠపురములో' సినిమాతో ప్రేక్షకుల ముందుకు వచ్చారు. త్వరలోనే మహేశ్, ఎన్టీఆర్తో రెండు సినిమాలను చేస్తారని కొంతకాలంగా వినిపిస్తోంది. కానీ అవి తెరకెక్కడానికి చాలా సమయం పడుతుందట! ఆలోపు సమంతతో ఓ ప్రాజెక్ట్ను పూర్తి చేయాలని ఆయన భావిస్తున్నారట. ఇందుకోసం ఓ లేడి ఓరియెంటెడ్ కథను సిద్ధం చేస్తున్నారని తెలిసింది. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
కాగా, త్రివిక్రమ్.. త్వరలోనే రానున్న 'భీమ్లానాయక్' సినిమాకు స్క్రీన్ ప్లే, డైలాగ్స్ అందించారు. మరోవైపు సమంత.. ఇటీవలే 'పుష్ప' చిత్రంలోని ఓ స్పెషల్ సాంగ్తో అభిమానులను అలరించారు.
ఇదీ చూడండి: Hero movie review: 'హీరో' సినిమా ఎలా ఉందంటే?
