షూటింగ్​లు సూఫర్​ఫాస్ట్​గా.. సీక్వెల్స్​తో చితక్కొడతారా?

కరోనా వల్ల గతేడాది థియేటర్లలో సినిమాలు చూడలేకపోయిన ప్రేక్షకుడికి.. ఈ ఏడాది చూసేందుకు చాలా చిత్రాలు సిద్ధమవుతున్నాయి. అందులో భారీ బడ్జెట్​, రీమేక్​లతో పాటు సీక్వెల్స్​ కూడా ఉన్నాయి. వాటిపై అంచనాలు అదే స్థాయిలో ఉన్నాయి. ఇంతకీ వాటి సంగతేంటి?

సినిమా సూపర్​హిట్. ప్రేక్షకులకు తెగ నచ్చేసింది. ఎలాంటి అంచనాల్లేకుండా విడుదలై కలెక్షన్ల వర్షం కురిపించింది. అక్కడితో ఆగిపోతే కిక్కేముంది. అందుకే దర్శక నిర్మాతలు దానికి సీక్వెల్ ప్రకటించారు. డబుల్​ కిక్ ఇస్తామంటూ హామీ ఇచ్చారు. ఆ మాటను నిలబెడుతూ షూటింగ్​లు కూడా చేస్తున్నారు. అవి ఎప్పుడెప్పుడు వస్తాయా అంటూ అభిమానులు కళ్లు కాయలు కాచేలా ఎదురుచూస్తున్నారు. టాలీవుడ్​తో పాటు దక్షిణాదిలో తెరకెక్కుతున్న అలాంటి కొన్ని సీక్వెల్​లు థియేటర్లలోకి ఈ ఏడాదే రానున్నాయి. ఇంతకీ ఆ సినిమాలేంటి? ఏ మేరకు అంచనాలు ఉన్నాయి?

'కేజీఎఫ్ 2' కోసం ఎంతోమంది!

2018లో విడుదలైన 'కేజీఎఫ్' తొలి భాగం.. దేశవ్యాప్తంగా విడుదలై, అన్ని భాషల ప్రేక్షకుల్ని మెప్పించింది. ఆ తర్వాత కొన్నాళ్లకు సీక్వెల్​ను ప్రకటించడం అందులో సంజయ్ దత్, రవీనా టండన్ లాంటి స్టార్స్ నటిస్తున్నట్లు వెల్లడించారు. దీంతో రెండో భాగంపై అంచనాలు విపరీతంగా పెరిగిపోయాయి. ఇటీవల వచ్చిన టీజర్​ వాటిని మరికాస్త పెంచింది. ప్రస్తుతానికి విడుదల తేదీ చెప్పకపోయినప్పటికీ, సినిమా ఈ ఏడాది థియేటర్లలోకి రావడం మాత్రం కచ్చితమని తెలుస్తోంది.

• " class="align-text-top noRightClick twitterSection" data="">

షూటింగ్​ల్లో 'భారతీయుడు'-'ఎఫ్ 2' సీక్వెల్స్

దాదాపు 25 ఏళ్ల తర్వాత 'భారతీయుడు'గా కమల్​హాసన్ మళ్లీ నటిస్తున్నారు. సీక్వెల్ షూటింగ్​ ఎప్పుడో ప్రారంభమైనప్పటికీ సెట్​లో ప్రమాదం, కొవిడ్ ప్రభావం వల్ల దానికి అంతరాయం ఏర్పడింది. ఇటీవల షూటింగ్​ల కోసం నిబంధనలు సడలించిన నేపథ్యంలో శరవేగంగా చిత్రీకరణ జరిపి, ఎలాగైనా సరే థియేటర్లలో త్వరలో తీసుకురావాలని భావిస్తున్నారు.

'ఎఫ్ 2' సీక్వెల్ షూటింగ్ ఇప్పటికే సూపర్​ఫాస్ట్​గా జరుగుతోంది. విక్టరీ వెంకటేశ్, వరుణ్​తేజ్​తోపాటు సీక్వెల్​లో సునీల్ నటిస్తున్నారు. ఫ్యామిలీ ఎంటర్​టైనర్ కథతో తెరకెక్కుతున్న​ ఈ సినిమాకు అనిల్ రావిపూడి దర్శకుడు. తొలి భాగంగా భార్తభర్తల మధ్య గొడవల్ని హాస్యభరితంగా చూపించగా, సీక్వెల్​ డబ్బు వల్ల భార్యభర్తల మధ్య కలిగే ఇబ్బందుల్ని చూపించనున్నారు. ఈ ఏడాది దసరాకు సినిమా వచ్చే అవకాశముంది.

టాలీవుడ్​లో రానున్న సీక్వెల్స్

మరో నాలుగు సీక్వెల్స్ కూడా

పైన చెప్పిన వాటితో పాటే మరో నాలుగు సీక్వెల్స్.. ప్రేక్షకుల్ని ఈ ఏడాది అలరించేందుకు సిద్ధమవుతున్నాయి. అందులో ఢీ 2(డబుల్ డోస్), కార్తికేయ 2, గూఢచారి 2, బిచ్చగాడు 2, హిట్ 2 ఉన్నాయి. వీటిపైనా అంచనాలు ఎక్కువగా ఉన్న నేపథ్యంలో దర్శకులు ఈ సినిమా వాటి తగ్గట్లే రూపొందించి ఆదరణ దక్కించుకుంటారా లేదా అనేది చూడాలి.

ఇవీ చదవండి: