భారీ బడ్జెట్, భారీ కలెక్షన్లతో సినిమాల్లో ట్రెండ్ సెట్ చేసిన ప్రభాస్.. ప్రస్తుతం సామాజిక మాధ్యమాల్లోనూ దుమ్మురేపుతున్నాడు. తాజాగా డార్లింగ్ అరుదైన రికార్డు ఖాతాలో వేసుకున్నాడు. బాహుబలి, సాహో సినిమాలతో పాన్ ఇండియా స్టార్గా మారిన ఈ మిస్టర్ ఫర్ఫెక్ట్.. అభిమానుల ఆదరణలోనూ ముందంజలో దూసుకెళ్తున్నాడు. ఫేస్బుక్లో తాజాగా 14 మిలియన్ల మార్కు దాటేశాడు. ఈ రికార్డులో దక్షిణాదిన టాప్ హీరోగా ఘనత సాధించాడు. ఇతడికి దరిదాపుల్లో అల్లు అర్జున్(కోటి 31 లక్షలు) మాత్రమే ఉన్నాడు. ప్రస్తుతం ఈ బాహుబలి.. బాలీవుడ్ను ఢీకొట్టేందుకు సిద్ధంగా ఉన్నాడు. ఆమిర్ఖాన్(1 కోటి 70 లక్షల) ఫాలోవర్స్తో ప్రభాస్కు దగ్గరగా ఉన్నాడు.
మహేశ్బాబు, తమిళ హీరో విజయ్, రానా, కమల్హాసన్, జూనియర్ ఎన్టీఆర్, దుల్హర్ సల్మాన్, రామ్చరణ్, నాని, విజయ్ దేవరకొండ, పవన్కళ్యాణ్, రజనీకాంత్ వంటి స్టార్లు రేసులో తర్వాత ఉన్నారు.
డార్లింగ్ ప్రభాస్.. ప్రస్తుతం ఓ పీరియాడికల్ సినిమాలో నటిస్తున్నాడు. పూజా హెగ్డే హీరోయిన్. రాధాకృష్ణ దర్శకుడు. ఇటీవలే జార్జియాలో ఓ షెడ్యూల్ పూర్తి చేసుకుంది. ఈ సినిమా కోసం 'ఓ డియర్', 'రాధే శ్యామ్' అనే పేర్లను ఇప్పటికే రిజిస్టర్ చేయించారు. కానీ వీటిలో ఏది ఇంకా ఖరారు చేయలేదు. యూవీ క్రియేషన్స్, గోపీకృష్ణ మూవీస్ సంయుక్తంగా ఈ సినిమాను నిర్మిస్తున్నాయి. వచ్చే ఏడాది వేసవికి ప్రేక్షకుల ముందుకు రానుంది.
ఇదీ చూడండి: సమయం ఆసన్నమైంది మిత్రమా.. పెళ్లి రైలు ఎక్కేద్దాం!
