సూపర్ స్టార్ మహేశ్ బాబు హీరోగా 'సర్కారు వారి' పాట అనే చిత్రం తెరకెక్కుతోంది. 'గీతాగోవిందం' ఫేమ్ పరశురామ్ దర్శకత్వం వహిస్తున్నారు. ఇప్పటికే విడుదలచేసిన ప్రిన్స్ లుక్ అభిమానులను సర్ప్రైజ్కు గురిచేసింది. చెవి పోగు, మెడ మీద రూపాయి బిళ్ల టాటూ, టైటిల్‌, దాంట్లో వాడిన గంట.. ఇలా అన్నీ సినిమా మీద ఆసక్తిని పెంచేశాయి.
తాజాగా ఈ సినిమాలో విలన్ ఎవరనే విషయంపై చాలా వార్తలు ప్రచారంలో ఉన్నాయి. అయితే చిత్రబృందం మాత్రం ముగ్గురి పేర్లను పరిశీలిస్తున్నట్లు తెలుస్తోంది. అరవింద్‌ స్వామి, ఉపేంద్ర, సుదీప్‌ పేర్లు బాగా వినిపిస్తున్నాయి. ఈ ముగ్గురు ఎంతమంచి నటులో మనకు తెలిసిందే. మరి వీరిలో మహేశ్‌ను ముప్పతిప్పలు పెట్టి.. హీరోయిజాన్ని బయటకు లాగే విలన్ ఎవరవుతారో చూడాలి. లేకపోతే ఈ ముగ్గురు కాకుండా బాలీవుడ్‌ నుంచి ఇంకెవరినైనా తీసుకొస్తారేమో తెలియాలి.
మహేశ్ సరసన నటించే నాయికగా కీర్తి సురేశ్‌ ఇప్పటికే ఫిక్స్‌ అయిపోయింది. ఈ చిత్రానికి తమన్ సంగీతం అందించబోతున్నాడు.
