'ద ఫ్యామిలీ మ్యాన్ 2' వెబ్ సిరీస్తో హీరోయిన్ సమంత.. త్వరలో ప్రేక్షకుల ముందుకు రానుంది. ఇందులో ఉగ్రవాది పాత్రలో కనిపించనున్న ఈ భామ.. వీక్షకులను ఆశ్చర్యపరచనుంది. ఈ క్రమంలో సామ్ హోస్ట్గా ఉన్న 'సామ్ జామ్' టాక్ షోకు వచ్చిన సిరీస్ దర్శకుల్లో ఒకరైన్ రాజ్ నిడుమోరు.. సమంత పాత్ర గురించి వెల్లడించారు.
'ఫ్యామిలీ మ్యాన్' సీక్వెల్లోని ఉగ్రవాది పాత్ర కోసం సమంతను సంప్రదించినప్పుడు ఆమె చాలా ఉత్సాహం చూపించారని రాజ్ చెప్పారు. ఓ యాక్షన్ సీన్ షూటింగ్ చేస్తున్నప్పుడు ఆమె నిజంగానే నెగటివ్గా మారిందా అనే అనుమానం తనకు వచ్చిందని అన్నారు. గతంలో ఈ విధంగా హీరో నాగార్జున చేసేవారని తెలిపారు.
