తమిళనాడు మాజీ ముఖ్యమంత్రి జయలలిత జీవిత కథతో రూపొందిన పాన్ ఇండియా చిత్రం 'తలైవి'. ఎ. ఎల్. విజయ్ దర్శకత్వంలో తెరకెక్కిన సినిమాలో కంగనా రనౌత్ టైటిల్ పాత్రలో నటించారు. ఇప్పటికే చిత్రీకరణ పూర్తి చేసుకున్న ఈ చిత్రం.. ప్రస్తుతం నిర్మాణాంతర కార్యక్రమాలు పూర్తి చేసుకుంటోంది. ఏప్రిల్ 28న సినిమా ప్రేక్షకుల ముందుకు రానుంది. ఈ నేపథ్యంలోనే ట్రైలర్ విడుదల చేసేందుకు చిత్రబృందం సిద్ధమైంది.
ఇందుకు కంగనా పుట్టినరోజు మార్చి 23ని ముహూర్తంగా ఖరారు చేశారు. ఆరోజున చెన్నై, ముంబయిలలో ట్రైలర్ విడుదల వేడుకలు నిర్వహించనున్నారు. దీనికోసం ఇప్పటికే ఏర్పాట్లు జరుగుతున్నాయి. ఈ సినిమాలో ఎంజీఆర్గా అరవింద్ స్వామి.. కరుణానిధి పాత్రలో ప్రకాశ్రాజ్ కనిపించనున్నారు. శశికళగా పూర్ణ నటిస్తున్నారు. జీవీ ప్రకాష్ స్వరాలందిస్తున్నారు. విష్ణు ఇందూరి శైలేష్ ఆర్. సింగ్ సంయుక్తంగా నిర్మిస్తున్నారు.
ఇదీ చూడండి: బోయపాటి దర్శకత్వంలో ఎనర్జిటిక్ హీరో?
