కరోనా మహమ్మారి కారణంగా పలుమార్లు వాయిదా పడిన 'టెనెట్' సినిమా డిసెంబర్ 4న భారత్లో రిలీజ్ కానుందని చిత్ర నిర్మాణ సంస్థ వార్నర్ బ్రోస్ స్పష్టం చేసింది. ఆదివారం, ట్విట్టర్ వేదికగా ఈ విషయాన్ని వెల్లడించింది.
క్రిస్టోఫర్ నోలన్ దర్శకత్వం వహించిన ఈ సైన్స్ ఫిక్షన్ సినిమాపై భారీగా అంచనాలు ఉన్నాయి. అంతేగాక, మహమ్మారి సమయంలో థియేటర్లలో రిలీజ్ అవుతోన్న భారీ బడ్జెట్ హాలీవుడ్ సినిమా కూడా ఇదే కావడం విశేషం.
'టెనెట్' సినిమాలో రాబర్ట్ ప్యాటిన్సన్, జాన్ డేవిడ్ వాషింగ్టన్, డింపుల్ కపాడియా, కెన్నెత్ బ్రానాగ్ తదితరులు కీలక పాత్రలు పోషించారు.
