హాలీవుడ్​లో ఛాన్స్​ కొట్టేసిన​ అలీ

ప్రముఖ హాస్యనటుడు అలీ హాలీవుడ్​లో ఛాన్స్​ కొట్టేశాడట. శుక్రవారం దిల్లీ వెళ్లిన ఈ సీనియర్​ నటుడు.. అక్కడ కేంద్ర సమాచార, ప్రసారాల శాఖ మంత్రి ప్రకాశ్​ జావడేకర్​ను కలిశాడు. అనంతరం భారత్​లో ఓ ఇంగ్లీష్​ దర్శకుడు సినిమా నిర్మించనున్నాడని.. అందుకు పలు ప్రాంతాల్లో చిత్రీకరణ అనుమతి కావాలని కోరినట్లు అలీ స్వయంగా వెల్లడించాడు.

టాలీవుడ్​ సీనియర్​ హాస్య నటుడు అలీ త్వరలో హాలీవుడ్ చిత్రంలో ప్రధానపాత్రలో కనిపించనున్నాడు. దానేటి జగదీశ్ దర్శకత్వంలో మార్టిన్ ఫిలిమ్స్ అధినేత జానీ మార్టిన్, పింక్ జాగ్వార్స్ ఎంటర్​టైన్మెంట్ సంస్థల సహకారంతో ఓ చిత్రం తెరకెక్కనుందట. ఇది ఇండో-అమెరికన్ నేపథ్యంలో తీయనున్నట్లు అలీ వెల్లడించాడు.

శుక్రవారం దిల్లీలోని కేంద్ర సమాచార, ప్రసారాల శాఖ మంత్రి ప్రకాశ్ జావడేకర్​ను మర్యాదపూర్వకంగా కలిశాడు. అనంతరం చిత్ర షూటింగ్​కు సంబంధించిన లోకేషన్లపై చర్చించినట్లు చెప్పాడు. చిత్రీకరణ అనుమతులపై కేంద్రమంత్రి సానుకూలంగా స్పందించారని అలీ చెప్పాడు.