'చుల్బుల్ పాండే'.. ప్రేక్షకుల ముందుకొచ్చేందుకు సరిగ్గా 100 రోజులు మాత్రమే ఉంది. ఇలాంటి సమయంలో ఆసక్తికర విషయాన్ని పంచుకుంది 'దబాంగ్-3' చిత్రబృందం. హిందీలో రూపొందుతున్న ఈ సినిమాను తెలుగు, తమిళ, కన్నడ భాషల్లోనూ విడుదల చేయాలని నిర్ణయం తీసుకుంది. ఇందుకు సంబంధించిన మోషన్ పోస్టర్ను హీరో రామ్చరణ్ తన ఫేస్బుక్లో పంచుకున్నాడు.
హాస్యభరిత పోలీసు పాత్రలో మరోసారి అలరించేందుకు సిద్ధమవుతున్నాడు హీరో సల్మాన్ఖాన్. ప్రస్తుతం శరవేగంగా షూటింగ్ జరుపుకుంటోందీ చిత్రం. సోనాక్షి సిన్హా హీరోయిన్గా నటిస్తోంది. ప్రభుదేవా దర్శకత్వం వహిస్తున్నాడు. ఈ డిసెంబరు 20న థియేటర్లలోకి రానుంది. తొలి రెండు భాగాలు అలరించిన నేపథ్యంలో మూడో భాగంపై భారీ అంచనాలు నెలకొన్నాయి.
ఇది చదవండి: పాయల్.. ఏంటా హొయల్.. చూస్తే గుండె జిగేల్!
