బ్రహ్మోత్సవం, మనమంతా, ప్రేమమ్, అజ్ఞాతవాసి చిత్రాలతోపాటు ప్రజాహక్కు అనే లఘు చిత్రంలో నటించి బాలనటిగా మంచి గుర్తింపు తెచ్చుకున్న తెలుగమ్మాయి అవంతిక వందనపు. ప్రస్తుతం ఈమె హాలీవుడ్ చిత్రంలో నటించే అవకాశం దక్కించుకుంది. అవంతిక నటించిన తొలి హాలీవుడ్ చిత్రం 'స్పిన్'. డిస్నీ ఛానల్ నిర్మించిన ఈ చిత్రం ఆగస్టు 13న విడుదల కాబోతుంది. ఈ సందర్భంగా స్పిన్ ప్రచార చిత్రాన్ని విడుదల చేశారు.
అమెరికాలో స్థిరపడిన ప్రవాస భారతీయ కుటుంబంలో పుట్టిన రియా అనే అమ్మాయిగా అవంతిక ఆ చిత్రంలో నటించింది. సంగీతమంటే ఎంతో ఆరాధించే రియా.. డీజే మిక్సింగ్ లో ఎలాంటి విజయాన్ని అందుకుందనేది స్పిన్ చిత్రంలో చూపించబోతున్నారు. హాలీవుడ్ లో తన తొలిచిత్రం విడుదలవుతుండటం పట్ల అవంతిక ఎంతో ఆనందం వ్యక్తం చేసింది.
ఇదీ చదవండి:MAA Election: ప్రకాశ్‌రాజ్‌పై విమర్శలకు ఆర్జీవీ కౌంటర్
