యువ కథానాయకుడు సుశాంత్ సింగ్ రాజ్పుత్ ఆత్మహత్య.. బాలీవుడ్ మొత్తాన్ని ఓ కుదుపు కుదిపేసింది. జ్ఞాపకాల నుంచి ఇతడి కుటుంబం ఇప్పటికీ కోలుకోలేకపోతోంది. అయితే, సుశాంత్ వివాహంపై స్పందించిన ఈ నటుడు తండ్రి కేకే సింగ్... నటి రియా చక్రవర్తిని వచ్చే ఏడాది ప్రారంభంలో పెళ్లి చేసుకోవాలనుకున్నాడని తెలిపారు.
"మేం గతంలోనే ఈ విషయం గురించి మాట్లాడుకున్నాం. కరోనా సమయంలో తాను వివాహం చేసుకోనని సుశాంత్ చెప్పాడు. తాను నటించిన సినిమా విడుదలైన తర్వాత.. వచ్చే ఫిబ్రవరి-మార్చిలో వివాహం చేసుకోవాలనుకున్నాడు. అతని పెళ్లి గురించి మేం జరిపిన చివరి సంభాషణ ఇదే"
కేకే సింగ్, సుశాంత్ సింగ్ రాజ్పుత్ తండ్రి
వివాహం విషయంలో సుశాంత్ను ఎప్పుడూ ఇబ్బంది పెట్టలేదని.. నచ్చిన అమ్మాయిని చేసుకోమని అతడికి చెప్పినట్లు కేకే సింగ్ చెప్పారు. ఇటీవలే ఓ ఇంటర్వ్యూలో మాట్లాడిన ఆయన.. సుశాంత్ చిన్నతనంలో చలాకీగా ఉండేవాడని, ఈ మధ్య కాలంలో ఎందుకో ఒంటరితనం అలవాటు చేసుకున్నాడని వెల్లడించారు.
జూన్ 14న బాంద్రాలోని తన నివాసంలో ఉరివేసుకుని ఆత్మహత్య చేసుకున్నాడు సుశాంత్. ఒత్తిడి వల్లే అతడు చనిపోయినట్లు, అతడి ఇంట్లో దొరికిన వైద్యపరీక్ష పత్రాల ద్వారా తేలింది. అయితే బాలీవుడ్లో నెపోటిజమ్ వల్ల అతడికి అవకాశాలు తగ్గిపోయాయని పలువురు సినీ ప్రముఖులు ఆరోపించారు. సుశాంత్ మృతిపై సీబీఐ దర్యాప్తు చేయించాలని ప్రభుత్వాన్ని కోరారు.
ఇదీ చూడండి:నితిన్కు మూడు గెటప్పులు.. హాలీవుడ్ నిపుణులు
