బాలీవుడ్ హీరో సుశాంత్ సింగ్ రాజ్పుత్ కేసుకు సంబంధించి రోజుకో ఆసక్తికర విషయం వెలుగులోకి వస్తోంది. ఆర్థిక పరిస్థితులపై ప్రియురాలు రియా చక్రవర్తితో పాటు అతడి సీఏ, న్యాయవాదితో కలిసి చర్చించిన ఓ ఆడియో టేప్ ప్రస్తుతం వైరల్గా మారింది. ఇందులో తన భవిష్యత్తు భద్రత కోసం అవసరమైతే మసెరటి కారు, ఇతర ఆస్తులను అమ్మేందుకు వెనకాడబోనని సుశాంత్ పేర్కొన్నాడు.
సుమారు 35 నిమిషాల నిడివి గల ఆడియో టేప్లో.. సుశాంత్ రియా అనేక విషయాలపై చర్చించుకున్నారు. ఈ క్రమంలోనే తన నటనా వృత్తిని వదులుకుని.. ఏకాంతంలోకి వెళ్లాలనుకుంటున్నట్లు రాజ్పుత్ తెలిపాడు. ఈ ఆడియో జనవరి నాటిదని తెలుస్తోంది. "ఇది నా ఆర్థిక లాభాల కోసం కాదు. కానీ ఒకరకంగా ఆలోచిస్తే.. నా పని మీద రోజుకో విధంగా ఆలోచిస్తుంటా. కాబట్టి, నేను ఇంకొకరి సమయాన్ని వృథా చేయాలనుకోవడం లేదు" అని సుశాంత్ పేర్కొన్నాడు.
ఇంకా తనకు ఇన్నోవా కొనాలని ఉందని.. అందుకోసం మసెరటి కారును అమ్మాలని అనుకుంటున్నట్లు సుశాంత్ తెలిపాడు. అయితే, ఇది నష్టాన్ని కలిగించేలా ఉందని.. అతని సలహాదారుడు సుశాంత్కు చెప్పాడు. దీంతోపాటు అన్నింటినీ వదిలేసి.. పవానా వంటి ఏకాంత ప్రదేశానికి వెళ్లాలనుకుంటున్నట్లు సుశాంత్ ఆడియోటేప్లో పేర్కొన్నాడు.
సుశాంత్ కేసు విచారణలో భాగంగా సీబీఐ రియాను ప్రశ్నిస్తోంది. సుశాంత్కు అందించిన వైద్య చికిత్స, ఇచ్చే మందులు, డ్రగ్స్ గురించి ప్రస్తావించడం వంటి అంశాలపై దర్యాప్తు చేస్తోంది.
