బాలీవుడ్ దివంగత నటుడు సుశాంత్ సింగ్ రాజ్పుత్ గురించి అతని స్నేహితుడు శామ్యూల్ హౌకిప్ కొన్ని ఆశ్చర్యకర విషయాలు పంచుకున్నాడు. 'కేదార్నాథ్' చిత్రీకరణలో సుశాంత్, సారా అలీఖాన్లు ఒకరినొకరు గాఢంగా ప్రేమించుకున్నారని శామ్యూల్ సోషల్మీడియాలో వెల్లడించాడు. సుశాంత్ నటించిన 'సోంచిరియా' చిత్రం విడుదల వరకు ఈ బంధం కొనసాగిందని ఇన్స్టాగ్రామ్లో తెలిపాడు.
"కేదార్నాథ్' ప్రమోషన్ సమయంలో సుశాంత్, సారా ప్రేమలో పడ్డారు. విడదీయలేనంతగా దగ్గరయ్యారు. వారిద్దరిదీ స్వచ్ఛమైన, చిన్నపిల్లల మనస్తత్వం. అలాంటి వారిని ఈ రోజుల్లో చూడటం చాలా అరుదు. సుశాంత్, సారా.. వారి జీవితంలోని ప్రతి ఒక్క వ్యక్తికి గౌరవం ఇచ్చేవారు. కుటుంబం, స్నేహితులు, సహాయక సిబ్బందితోనూ గౌరవంగా ప్రవర్తించే వాళ్లు. 'సోంచారియా' విడుదల తర్వాత సుశాంత్తో విడిపోవాలని సారా నిర్ణయం తీసుకుంది. దీని వెనుక బాలీవుడ్ మాఫియా పాత్ర ఉంది"
- శామ్యూల్ హౌకిప్, సుశాంత్ స్నేహితుడు
సుశాంత్, సారా.. ప్రేమ వ్యవహారంపై వస్తున్న వార్తలపై నటి కంగనా రనౌత్ టీమ్ ట్విట్టర్లో స్పందించింది. "సుశాంత్, సారాల ప్రేమ వ్యవహారం మీడియాకు తెలుసు. అవుట్డోర్ షూటింగ్లకు వెళ్లినప్పుడు వారిద్దరూ కలిసి ఒకే గదిలో ఉన్నారు. ఇలాంటి హాని కలిగించే ఫ్యాన్సీ నెపోటిజం వ్యక్తులు బయటివారికి కలలు చూపిస్తూ.. వారిని బహిరంగంగా ఎందుకు వదిలేస్తున్నారు?" అని ప్రశ్నించింది కంగనా రనౌత్ టీమ్.
సుశాంత్సింగ్ రాజ్పుత్, సారా అలీఖాన్ల ప్రేమ వ్యవహారం గురించి గతంలో ప్రచారం జరిగింది. కానీ, దీనిపై వారిద్దరిలో ఎవరూ స్పందించలేదు. ప్రస్తుతం శామ్యూల్ చేస్తున్న వాదనలు బీటౌన్లో అలజడి సృష్టిస్తున్నాయి. అయితే ఈ విషయంపై నటి సారా అలీఖాన్ ఏ విధంగా స్పందిస్తుందోనని సుశాంత్ అభిమానులు ఎదురుచూస్తున్నారు.
