ఏ చిత్ర పరిశ్రమలోనైనా రియల్ లైఫ్ బ్రదర్స్ కలిసి మల్టీస్టారర్ సినిమా చేస్తే చూడాలని ఎంతో మంది అభిమానులు ఆసక్తిగా ఎదురుచూస్తుంటారు. అయితే ఈ అభిమానుల కలని నిజం చేసేందుకు కోలీవుడ్ స్టార్ బ్రదర్స్ సూర్య, కార్తి సిద్ధమయ్యారని టాక్. ఈ సోదరులిద్దరికి తమిళ నాట ఎంత క్రేజ్‌ ఉందో.. తెలుగులోనూ అదే స్థాయి గుర్తింపు ఉంది.
మలయాళ సూపర్ హిట్ చిత్రం 'అయ్యప్పయుమ్‌ కోషియుమ్‌'ను తమిళంలో రీమేక్ చేయనున్నట్లు తెలుస్తోంది. దీనికోసం ఈ చిత్ర తమిళ హక్కులను ఈ బ్రదర్స్ సొంతం చేసుకున్నట్లు సమాచారం. త్వరలోనే ఈ విషయంపై అధికారిక ప్రకటన వచ్చే అవకాశముంది. ఇప్పటికే హిందీ రీమేక్ హక్కులను జాన్‌ అబ్రహం సొంతం చేసుకోగా.. తెలుగులోనూ ఈ చిత్ర రీమేక్ కోసం ప్రయత్నాలు జరుగుతున్నాయి.
ఇదీ చూడండి : షూటింగ్‌లకు త్వరలోనే అనుమతులు: తలసాని
