సాయిధరమ్ తేజ్, నభా నటేశ్‌ జంటగా నటించిన చిత్రం 'సోలో బ్రతుకే సో బెటర్'. లాక్‌డౌన్‌కు ముందే షూటింగ్‌ పనులు మొదలుపెట్టిన ఈ చిత్రం ఇప్పుడు విడుదలకు సిద్ధమైంది. డిసెంబర్‌ 25న థియేటర్లలో విడుదల చేయనున్నట్లు ఎస్వీసీసీ తాజాగా ప్రకటించింది. ఈ సినిమాకు సుబ్బు దర్శకుడు. బీవీఎస్‌ఎన్‌ ప్రసాద్‌ నిర్మాత. సంగీత దర్శకుడు తమన్‌ స్వరాలు సమకూర్చారు. ఇప్పటికే విడుదలైన ఈ సినిమా పాటలు ప్రేక్షకులను బాగా ఆకట్టుకున్నాయి.
జీ స్టూడియోస్ ప్రకటన మేరకు సినిమా థియేటర్లలో విడుదల చేయగలిగితే.. లాక్‌డౌన్‌ తర్వాత సినిమా హాళ్ల‌లో సందడి చేసే మొదటి చిత్రంగా రికార్డు సృష్టించనుంది.
