మెగాస్టార్ చిరంజీవి అల్లుడు కల్యాణ్ దేవ్ హీరోగా తెరకెక్కుతోన్న చిత్రం 'సూపర్ మచ్చి'. పులి వాసు దర్శకత్వం వహిస్తున్నారు. రచితా రామ్ హీరోయిన్గా కనిపించనుంది. కరోనా కారణంగా వాయిదా పడ్డ ఈ సినిమా షూటింగ్ తాజాగా ప్రారంభమైంది. అందుకు సంబంధించిన ఫొటోలను సామాజిక మాధ్యమాల్లో పంచుకుంది చిత్రబృందం.
హీరోహీరోయిన్లు కల్యాణ్, రచితతో పాటు అజయ్లపై కొన్ని కీలక సన్నివేశాలను రామానాయుడు స్టూడియోలో చిత్రీకరిస్తున్నారు. కరోనా నియమ నిబంధలను పాటిస్తూ అన్ని జాగ్రత్తలు తీసుకుని షూటింగ్ కొనసాగిస్తున్నారు. ఇటు చిత్రీకరణతో పాటే పోస్ట్ ప్రొడక్షన్ పనులనూ షురూ చేశామని చిత్రబృందం తెలిపింది. ఈ సినిమాకు తమన్ సంగీతం అందిస్తున్నారు.
