'పుష్ప' సినిమా చూసిన చాలామంది ప్రేక్షకులు.. 'ఊ అంటవా ఊహు అంటవా' అంటూ పాడుతూ థియేటర్ బయటకొస్తున్నారు. అంతలా ఆడియెన్స్కు కనెక్ట్ అయిందీ పాట. ఇందులో సమంత డ్యాన్స్, దానికి డీఎస్పీ మ్యూజిక్.. పాటను ఓ రేంజ్లోకి తీసుకెళ్లాయి. అయితే ఈ పాట కోసం సామ్ను ఎలా ఒప్పించారని ప్రశ్నించగా దర్శకుడు సుకుమార్ ఆసక్తికర సమాధానమిచ్చారు.
సుకుమార్ తీసే ప్రతి సినిమాలో ఓ స్పెషల్ సాంగ్ కచ్చితంగా ఉంటుంది. ఈ డైరెక్టర్ గత చిత్రం 'రంగస్థలం'లోనూ పూజాహెగ్డే 'జిగేలు రాణి' గీతం.. ఇప్పటికీ ఎక్కడో ఓ చోట వినిపిస్తూనే ఉంటుంది. ఈ సినిమాలో హీరోయిన్గా నటించిన సమంతనే.. 'పుష్ప'లో ప్రత్యేక గీతం చేస్తే బాగుంటుందని సుక్కు భావించారట.
అందులో భాగంగానే సామ్ను సంప్రదించగా.. తనకు ఈ పాట కరెక్ట్ కాదని చెప్పిందట. అయితే నటిగా ఇది మీకు కొత్తగా ఉంటుంది, ఈ సాంగ్ బాగా నప్పుతుందని సమంతతో చెప్పి ఒప్పించానని సుకుమార్ వెల్లడించారు. 'జిగేల్రాణి' పాట గురించి ప్రస్తావన తీసుకొస్తేనే నో చెప్పిన సమంత.. తన మాటపై నమ్మకంతోనే 'ఊ అంటవా ఊహు అంటవా' పాట చేసిందని సుక్కు చెప్పారు.
శేషాచలం ఎర్రచందనం నేపథ్యంగా తీసిన 'పుష్ప' తొలి భాగం ఈ శుక్రవారం థియేటర్లలోకి వచ్చింది. రెండు రోజుల్లోనే(రూ.116) వందకోట్ల రూపాయల మార్క్ గ్రాస్ కలెక్షన్ సొంతం చేసుకుంది.
ఇందులో అల్లు అర్జున్ సరసన రష్మిక హీరోయిన్గా చేసింది. సునీల్, అనసూయ, ఫహాద్ ఫాజిల్ కీలకపాత్రల్లో నటించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీ మూవీ మేకర్స్ భారీ బడ్జెట్తో నిర్మించింది.
- " class="align-text-top noRightClick twitterSection" data="">
ఇవీ చదవండి:
