Suhanakhan Kushikapoor movie debut: బాలీవుడ్ బాద్ షా కుమార్తె సుహానా ఖాన్, బాలీవుడ్ దిగ్గజ నటుడు అమితాబ్ బచ్చన్ మనవడు అగస్త్య నందను.. ప్రముఖ దర్శకురాలు జోయా అక్తర్ వెండితెరకు పరిచయం చేయనున్నారని గతకొద్ది రోజులుగా ప్రచారం సాగుతోంది. 'ది ఆర్చీస్' అనే సినిమాతో వారు ఎంట్రీ ఇవ్వనున్నారని సమాచారం.
అయితే ఇప్పుడీ వార్తలకు బలం చేకూరేలా కొన్ని ఫొటోలు, వీడియోలు నెట్టింట్లో వైరల్గా మారాయి. సుహానా, అగస్త్య నంద.. ముంబయిలోని ఓ డ్యాన్స్ క్లాస్లో కెమెరా కంటికి చిక్కారు. అక్కడ జోయా కూడా ఉన్నారు. దీనికి సంబంధించిన ఫొటోలే సోషల్మీడియాలో ట్రెండింగ్ అవుతున్నాయి.
ఇవి చూసిన అభిమానులు.. సుహానా, అగస్త్య కాంబోలో సినిమా ఖరారైపోయినట్లేనని భావిస్తున్నారు. తమ అభిమాన నటుల వారసులు త్వరలోనే వెండితెరకు పరిచయం కాబోతుండటంపై హర్షం వ్యక్తం చేస్తున్నారు.
కాగా, ప్రముఖ నిర్మాత బోణీకపూర్, దివంగత నటి శ్రీదేవి చిన్న కూతురు ఖుషీ కపూర్ కూడా చిత్రసీమలోకి ఎంట్రీ ఇవ్వడానికి ప్రయత్నాలు చేస్తోంది. అయితే ఈమెను కూడా 'ది ఆర్చీస్' చిత్రంతోనే పరిచయం చేయాలని దర్శకురాలు జోయా భావిస్తున్నారట. ఈ విషయమై చర్చలు కూడా జరిపారని తెలిసింది. ఇది కూడా ఓకే అయినట్లు తెలుస్తోంది.
ఒకవేళ ఇదే కనుక నిజమైతే ముగ్గురు స్టార్ కిడ్లు ఒకే సినిమాతో వెండితెర అరంగేట్రం చేసినట్లు అవుతుంది. త్వరలోనే దీనిపై స్పష్టత రానుంది.
- " class="align-text-top noRightClick twitterSection" data="">
ఇదీ చదవండి: అజిత్ 'వలిమై' సోషల్మీడియా రివ్యూ
