ప్రముఖ నటి సుధాచంద్రన్ ఇంట్లో విషాదం

నటి, డ్యాన్సర్​గా గుర్తింపు తెచ్చుకున్న సుధాచంద్రన్ ఇంట్లో విషాదం. ఆమె తండ్రి కేడీ చంద్రన్​ మరణించారు.

'మయూరి' సినిమాతో తెలుగు ప్రేక్షకులకు దగ్గరైన నటి, నృత్యకారిణి సుధాచంద్రన్​ తండ్రి కేడీ చంద్రన్(86)​ కన్నుమూశారు. గుండెపోటు రావడం వల్ల ఆదివారం ఉదయం తుదిశ్వాస విడిచారు. తన తండ్రి అనారోగ్యంతో బాధపడుతున్నారని ఇటీవల ఓ టీవీ ఛానల్​తో చెప్పారు సుధాచంద్రన్. ఆయన బాలీవుడ్​లో పలు సినిమాలతో పాటు టీవీ సీరియళ్లలోనూ నటించి గుర్తింపు తెచ్చుకున్నారు.

స్వతహాగా భరతనాట్యం డ్యాన్సర్​ అయిన సుధాచంద్రన్​.. తెలుగు, తమిళ, కన్నడ, మలయాళ, బెంగాలీ భాషల్లో నటించారు. పలు టీవీ సీరియళ్లలోనూ కీలక పాత్రలు పోషించి, అభిమానుల్ని సంపాదించుకున్నారు.