అందం, అభినయంతో ఆకట్టుకునే నటీమణులు మన తెలుగు చిత్ర పరిశ్రమలో చాలామందే ఉన్నారు. వారంతా తరచూ సామాజిక మాధ్యమాల వేదికగా అదిరిపోయే స్టిల్స్‌తో ఫొటోలను పంచుకుంటూ అభిమానులను అలరిస్తుంటారు. కొన్ని ప్రత్యేక సందర్భాల్లో వారు తమ చిన్నప్పటి ఫొటోలను కూడా షేర్‌ చేస్తుంటారు. వీటికి విపరీతమైన క్రేజ్‌ ఉంటుంది.
తాజాగా ఇలాంటి ఫొటోనే ఒకటి సామాజిక మాధ్యమాల వేదికగా చక్కర్లు కొడుతోంది. మన తెలుగు స్టార్‌ కథానాయికలు చిన్న పిల్లలుగా మారిపోతే ఎలా ఉంటారో తెలియజేస్తూ మీమ్ తయారు చేశారు. ఈ ఫొటోను చూసిన అభిమానులు, నెటిజన్లు ఆశ్చర్యపోవడమే కాదు, 'మన హీరోయిన్లు భలే క్యూట్‌గా ఉన్నారు' అంటూ కామెంట్లు పెడుతున్నారు. కీర్తి సురేశ్‌, రష్మిక, అనుపమ పరమేశ్వరన్‌, సమంత, అనుష్క, కాజల్‌, రాశీఖన్నా, తమన్నా, రకుల్‌ ప్రీత్‌సింగ్‌ల ఫొటోలు ఆకట్టుకుంటున్నాయి.
